Znajści
Ałharytmičny łacinski varyjant
22.05.2024 / 08:4558RusŁacBieł

Padpisanym na płan «Pieramoha» pryjšło apaviaščeńnie: hałasujcie za Azarava. Što adbyvajecca i ŭ čym niebiaśpieka

Našy čytačy zaŭvažyli, što praz bot płana «Pieramoha» źjavilisia zakliki hałasavać za śpis №5 «Zakonnaść i pravaparadak», jaki ŭznačalvaje Alaksandr Azaraŭ. Raskazvajem, što adbyłosia i čamu heta moža być niebiaśpiečna.

Paviedamleńnie, jakoje atrymali ludzi, jakija choć raz zapuskali čat-bot płana «Pieramoha»

Siońnia ŭnačy ŭsim, chto choć niekali zapuskaŭ čat-bot płana «Pieramoha», pryjšli zakliki hałasavać u Kaardynacyjnuju radu i padtrymać śpis №5 «Zakonnaść i pravaparadak».

My zapytalisia ŭ Alaksandra Azarava, ci heta aryhinalnyja bot i rassyłka — jon paćvierdziŭ, što rassyłka nie fejkavaja, a bot płana «Pieramoha» aryhinalny. Vyhladaje, što jon nie bačyć nijakaj prablemy ŭ hetaj situacyi.

Alaksandr Azaraŭ

«My rehularna pravodzim rassyłku, — napisaŭ Azaraŭ u adnym z publičnych čataŭ. — Čaho tak usie našy chiejtary pierapałochalisia. Pavyłazili z usich ščylin i pyrskajuć ślinaj».

Za ŭzajemadziejańnie z płanam «Pieramoha» biełarusam unutry krainy moža pahražać adkaznaść, ad administratyŭnaj da kryminalnaj.

Navat kali vy raniej vyčyščali telehram-boty, vydalajučy ź imi pierapisku, to jany mohuć dasyłać vam paviedamleńni. Paviedamleńnie, atrymanaje ad płana «Pieramoha», moža stvaryć niebiaśpieku dla čałavieka, kali hetuju rassyłku pabačyć niechta niepažadany.

Tyja, chto choča pačyścić ślady bota, mohuć skarystacca instrukcyjaj z našaha sajta. Kali vy chočacie całkam adviazać vaš akaŭnt ad usich botaŭ, jakija vy zapuskali za ŭvieś čas isnavańnia akaŭnta — vydalicie jaho i pierastvarycie, instrukcyja tut.

Vybary ŭ Kaardynacyjnuju radu adbuducca z 25 pa 27 maja. U ich udzielničaje bolš za 200 kandydataŭ pa dvanaccaci śpisach.

Čytajcie taksama:

Azaraŭ patłumačyŭ, što adbyvajecca sa źviestkami z płana «Pieramoha»

Jak HUBAZiK stvaraje fejkavyja pierapiski z fejkavymi ŭdzielnikami płana «Pieramoha»

Jak pačyścić telehram-boty, kab nie zastałosia nijakich śladoŭ VIDEA

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
7
Панылы сорам
95
Ха-ха
10
Ого
0
Сумна
2
Абуральна
27
1
Cha/adkazać/
23.05.2024
rom, Nie putajtie ahienturu riežima s oppozicijej, kroliki.:)) 
0
Orhanizacija/adkazać/
23.05.2024
Nie raskryvajtie lica i imiena. Vrah nie ocienit. Druh potieriajet.
0
Janka/adkazać/
24.05.2024
Bolt , moža tak, moža nie. Naprykład u svoj čas "kabinietny" Babaryka staŭ. Ale ŭ lubym vypadku nichto pakul nie zdoleŭ kankuravać ź imi ŭ vačach biełaruskaha hramadstva. Jość kalinoŭcy, ale jany pakul što palityčna nieinstytutalizavanyja. Moža hetkaj siłaj stanie adnoŭlennaja Kaardynacyjnaja rada, reputacyi jakoj vielmi paškodziŭ druhi jaje skład. Kali žio padobnaja siła źjavicca - heta budzie stanoŭča.
Pakazać usie kamientary
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera