Film «U tumanie» pa Bykavu možna pahladzieć u internecie

Film režysiora Siarhieja Łaźnicy pavodle apovieści Vasila Bykava «U tumanie» ŭžo ciaham miesiaca možna spampavać i pahladzieć u internecie.

Dziejańni filma adbyvajucca ŭ 1942 hodzie ŭ akupavanaj niamieckimi vojskami Biełarusi. U chodzie rasśledavańnia spravy ab padryvie ciahnika niemcy aryštoŭvajuć puciavoha abchodčyka Suščeniu, ale zatym niečakana adpuskajuć. Miascovyja žychary pačynajuć padazravać taho ŭ supracoŭnictvie z zachopnikami.

Dvoje partyzan advodziać Suščeniu ŭ les, dzie źbirajucca zabić jaho jak zdradnika. Na šlachu da miesca pakarańnia śmierciu jany traplajuć u zasadu, jakuju ŭčynili hiestapaŭcy, što vykarystoŭvali Suščeniu jak nažyŭku, kab złavić partyzan. Adzin partyzan hinie, druhoha raniać. Suščenia zastajecca ź im adzin na adzin, i ŭ jaho źjaŭlajecca šaniec dakazać svaju nievinavataść.

Film «U tumanie» atrymaŭ prestyžny pryz žury Mižnarodnaj federacyi kinapresy FIPRESCI na 65-m Mižnarodnym kinafiestyvali ŭ Kanach, Hran-pry VI Mižnarodnaha kinafiestyvalu imia Andreja Tarkoŭskaha «Lusterka», pryz «Załaty abrykos» na IX Mižnarodnym kinafiestyvali ŭ Jerevanie, uznaharodu Adeskaha mižnarodnaha fiestyvalu, a taksama nazvany najlepšym filmam XIV Mižnarodnaha kinafiestyvalu ŭ Tryjeście. Karcinu źniali za 28 dzion u Łatvii. Heta mižnarodny kinaprajekt, jaho ŭdzielniki — «Biełaruśfilm», MA.JA.DE Fiction (Niamieččyna), kinakampanija «Džy Pi» (Rasija), Rija Films (Łatvija), Lemming Film (Niderłandy), Fond padtrymki jeŭrapiejskaha kino «Eurimages».

artsiadziba.by

Chočaš padzialicca važnaj infarmacyjaj
ananimna i kanfidencyjna? Pišycie redaktaru
«Našaj Nivy» ŭ TH

0

0

0

0

0

0