Баранавіцкі гоншчык стаў чэмпіёнам Камбоджы
Да сваіх шматлікіх тытулаў баранавіцкі гоншчык Арцём Кунцэвіч дадаў яшчэ адзін: тытул чэмпіёна Камбоджы па мотакросе, піша bar24.by.
«Адкрыў сезон гонак у цёплай Азіі. Сёння стаў чэмпіёнам Камбоджы і зрабіў шоу для мясцовых хлопцаў!» — напісаў спартовец пад відэа гонак, якое ён апублікаваў ноччу 26 лютага.
Мяркуючы па публікацыі, гонка далася нялёгка. Спаборніцтвы праходзілі ва ўмовах моцнай спякоты, на вуліцы было +36 градусаў, а траса была сухой і пыльнай. Спартовец хваляваўся, ці яго матацыкл вытрымае такія ўмовы і нагрузкі. Але па выніку ўсё склалася ўдала.
Арцём Кунцэвіч у Баранавічах. Фота: kuntsevich_10_new_account / Instagram
Арцём Кунцэвіч — вядомы баранавіцкі гоншчык. Упершыню ён сеў на матацыкл у чатыры гады. І з таго часу ўсё яго жыццё звязана з мотаспортам. Ён неаднаразова станавіўся чэмпіёнам Беларусі па мотакросе і эндура. Удзельнічаў і перамагаў у спаборніцтвах міжнароднага ўзроўню. У апошнія гады выступае не толькі ў якасці спартоўца, але і трэнера.
Чытайце таксама:
Беларусы разгромна прайгралі ў матчы за 3-е месца чэмпіянату свету па пляжным футболе
