Бондарава стукала ў КДБ на Вараніцу з «Белай Русі»
Што напісала даносчыца?
Кіберпартызаны атрымалі доступ да базы даносаў у КДБ за дзевяць гадоў. Ёсць там паведамленні і ад прарасійскай актывісткі Вольгі Бондаравай. Пры чым разабрацца яна прасіла з лукашэнкаўцамі.
«Прашу звярнуць увагу на няспынныя спробы ачарнення маёй асобы ў публічнай прасторы Святланай Вараніцай, намеснікам старшыні Гродзенскай абласной арганізацыі РГА «Белая Русь».
Ад майго імя ў чаце канала Святланы Вараніцы пакідаюць каментары. Скрыняць і тут жа выдаляюць. Без спасылак на пост, каб не адсачыць id. А потым агаворваюць мяне. Відавочны спробы аказаць ціск на кіраўніцтва БДПУ з тым, каб я была адлічаная. Прашу абараніць маё сумленнае імя і разабрацца ў сітуацыі, выявіць ачарняльнікаў і правакатараў»,
— пісала Бондарава ў КДБ.
У іншым паведамленні яна дадала, што сярод тых, хто яе цкуе, таксама карэспандэнтка АНТ Святлана Карульская.
Цёркі паміж Бондаравай і Вараніцай здараліся не раз. Вараніцы не падабаецца радыкалізм прарасійскай актывісткі, якая нападае на беларускую мову і спрабуе ўмяшацца ў жыццё кожнай сям'і.
Чытайце таксама:
«Замах на маю сям'ю!» Ідэолаг з «Белай Русі» просіць абараніць яе ад Бондаравай
Бягун — Бондаравай: Забылася, як выцоквала набойкамі з ГУБАЗіКа з выглядам аба*ранага янота?
«Хтосьці за ёй стаіць». Чаму чыноўнікі слухаюцца Бондараву
