Добры спосаб абараніцца ад кляшчоў, пра які вы не чулі — з досведу леснікоў
Сезон кляшчоў, якія пераносяць небяспечныя хваробы, у самым разгары. Пасля прагулкі варта ўважліва аглядаць сваё цела і вопратку. А вось спосаб, які падказалі леснікі.
Асцярожна, кляшчы! Плакат з папярэджаннем на дрэве на Мінскім моры. Фота: Наша Ніва
Кляшчы звычайна актыўныя з сакавіка па лістапад, а асабліва ў нашым поясе — ад канца красавіка да пачатку чэрвеня і ў верасні. Жывуць яны ў лясах, на лугах і ў гарадскіх парках. Таксама любяць балоты.
Гэта значыць, што ўвесь час мы павінны быць пільнымі і ўважліва аглядаць сваё цела і вопратку пасля кожнай прагулкі на прыродзе.
Важны і вядомы спосаб пазбегнуць укусу кляшча — правільна апрануцца. Калі вы збіраецеся ў лес, лепш надзець доўгія штаны і закрыты абутак, заправіць штаны ў шкарпэткі.
А леснікі падказваюць эфектыўны спосаб пазбыцца кляшчоў на адзенні, калі вы так апраналіся. Зняць кляшчоў дапаможа валік для чысткі адзення.
Ілюстрацыйнае фота: ebay.co.uk
Ён не толькі выдаляе пыл і ворс, але збярэ з нашай вопраткі і насякомых. Пасля прагулкі проста старанна ачысціце свае рэчы.
Сродкі ад кляшчоў і камароў. Якія найлепшыя?
Клешч і яго тэлепартацыя на чалавека: выяўляецца, гэтыя паразіты выкарыстоўваюць статычную электрычнасць
Медыкі расказалі, дзе ў Мінску самыя куслівыя кляшчы
Сем папулярных міфаў пра кляшчоў
Як зразумець, што вы падхапілі ад кляшчоў барэліоз
