ЕАБР прагназуе беларускай эканоміцы самы хуткі рост за 10 гадоў
Сёлета беларуская эканоміка працягне расці хутчэй, чым апошнія дзесяць гадоў. Такі тэмп прагназуюць у Еўразійскім Банку развіцця (ЕАБР), піша Office Life.
Ілюстрацыйнае фота «Наша Ніва»
Па выніках мінулага года важным фактарам росту эканомікі стаў спажывецкі попыт.
Аналітыкі ЕАБР нагадалі, што ў краіне ў студзені інфляцыя ў гадавым выражэнні павялічылася да 5,9%. Прычына — рост цэнавага ціску з боку ўнутранага попыту, рынку працы і інфляцыі ў Расіі. Аднак дзяржрэгуляванне цэнаў стрымлівае іх дынаміку.
Сёлета эксперты ЕАБР таксама чакаюць росту заробкаў у Беларусі. З 1 студзеня 2024 года базавая стаўка павялічылася на 6,4% — да 250 рублёў.
Чытайце таксама:
Галоўная доктарка мінскай бальніцы растлумачыла, чаму невялікія заробкі ў медыкаў — гэта добра
Белстат назваў сярэдні заробак за 2023 год. Да круглай лічбы не хапіла зусім крыху
Колькі калійных угнаенняў летась вырабіла і экспартавала Беларусь
