Маці Маргарыты Ворыхавай далі 15 сутак
Інэсу Ворыхаву, маці дарадцы Ціханоўскай па моладзевай палітыцы і студэнцтве, затрымалі ўчора ў Наваполацку.
Інэса Ворыхава. Фота: архіў Маргарыты Ворыхавай
Сёння стала вядома, што ёй далі 15 сутак. Пра гэта паведаміў міліцэйскі канал. У допісах лукашысцкіх каналаў пагражаюць жанчыне крымінальнай справай, калі «яна не зразумее».
Інэсу Ворыхаву затрымалі раніцай у чацвер. Яе забралі на допыт з працы, пратрымалі там чатыры гадзіны і не адпусцілі.
«У яе дагэтуль не было ні затрыманняў, ні папярэджванняў, ні размоў з органамі. Пасля навін пра Каардынацыйную раду мы з ёй чакалі, што да яе прыйдуць, але ад гэтага чакання і гатоўнасці лягчэй не становіцца. Мне вельмі шкада, што ёй даводзіцца праходзіць праз усе гэтыя выклікі за мяне. І агулам за тое, што рэжым выкарыстоўвае родных як сродак рэпрэсій», — пракаментавала Маргарыта Ворыхава арышт маці.
Маргарыта з'ехала з Беларусі летам 2021 года падчас масавых рэпрэсій у бок недзяржаўных арганізацый і атак на лідараў НДА. Тады дзяўчына, як і цяпер, была прэзідэнткай Беларускага моладзевага нацыянальнага савета РАДА. З 6 жніўня 2023 года Ворыхава працуе дарадцай Ціханоўскай па моладзевай палітыцы і студэнцтве.
Чытайце таксама:
«Ад чакання і гатоўнасці лягчэй не становіцца». Дарадца Ціханоўскай — пра затрыманне маці
Затрымалі маці дарадцы Ціханоўскай па моладзевай палітыцы і студэнцтве Маргарыты Ворыхавай
