Мітрапаліт Веніямін узнагародзіў граматай начальніка калоніі ў Навасадах
Патрыяршы экзарх усёй Беларусі правёў набажэнства ў турэмным храме святога праведнага Іаана Кранштацкага ў папраўчай калоніі № 14 у Навасадах (Барысаўскі раён), паведамляе прэс-служба Беларускага Экзархата РПЦ.
Пасля службы праваслаўны іерарх звярнуўся да зняволеных з пропаведдзю, у якой распавёў пра жыццё праведнага Іаана Кранштацкага і цуды па малітоўных зваротах да святога, а таксама паразмаўляў з імі.
«У гэты дзень архіерэйскіх грамат Барысаўскай епархіі былі ўдастоены начальнік ВК № 14, палкоўнік Васілевіч Юрый Іванавіч і камандзір 740-га зенітнага ракетнага палка, палкоўнік Сарока Андрэй Васілевіч», — гаворыцца ў паведамленні.
У гэтай калоніі знаходзіцца некалькі палітвязняў: Зміцер Дашкевіч, Сяргей Дэцук, Міхаіл Зубкоў, Пётр Канстанцінаў, Яўген Кузьмянкоў, Станіслаў Міхайлаў.
youtu.be/O1SFWqC0G_E?t=88