Mitrapalit Vienijamin uznaharodziŭ hramataj načalnika kałonii ŭ Navasadach
Patryjaršy ekzarch usioj Biełarusi pravioŭ nabaženstva ŭ turemnym chramie śviatoha praviednaha Iaana Kranštackaha ŭ papraŭčaj kałonii № 14 u Navasadach (Barysaŭski rajon), paviedamlaje pres-słužba Biełaruskaha Ekzarchata RPC.
Paśla słužby pravasłaŭny ijerarch źviarnuŭsia da źniavolenych z propaviedździu, u jakoj raspavioŭ pra žyćcio praviednaha Iaana Kranštackaha i cudy pa malitoŭnych zvarotach da śviatoha, a taksama parazmaŭlaŭ ź imi.
«U hety dzień archijerejskich hramat Barysaŭskaj jeparchii byli ŭdastojeny načalnik VK № 14, pałkoŭnik Vasilevič Juryj Ivanavič i kamandzir 740-ha zienitnaha rakietnaha pałka, pałkoŭnik Saroka Andrej Vasilevič», — havorycca ŭ paviedamleńni.
U hetaj kałonii znachodzicca niekalki palitviaźniaŭ: Źmicier Daškievič, Siarhiej Decuk, Michaił Zubkoŭ, Piotr Kanstancinaŭ, Jaŭhien Kuźmiankoŭ, Stanisłaŭ Michajłaŭ.
youtu.be/O1SFWqC0G_E?t=88