Biełaruś — samaja «aŭtamabilizavanaja» kraina ŭ SND
Asacyjacyja aŭtavytvorcaŭ Jeŭropy nazvała Niamieččynu samaj zabiaśpiečanaj aŭtamabilami krainaj. U SND pieršaje miesca pa hetym pakaźniku zajmaje Biełaruś.
Asacyjacyja aŭtavytvorcaŭ Jeŭropy nazvała Niamieččynu samaj zabiaśpiečanaj aŭtamabilami krainaj. U SND pieršaje miesca pa hetym pakaźniku zajmaje Biełaruś.
U Niamieččynie, pa źviestkach Asacyjacyi aŭtavytvorcaŭ Jeŭropy (ASIEA), na 1 tysiaču žycharoŭ krainy prypadaje 563 lehkavyja aŭtamabili. Na dumku analitykaŭ, heta tłumačycca tym, što ŭ Niamieččynie dastupnyja košty na aŭtamabili nacyjanalnaj vytvorčaści, a taksama efiektyŭnaja sistema dziaržaŭnych ilhotaŭ i prahram kredytavańnia, jakija dazvalajuć navat małazabiaśpiečanym płastam nasielnictva kuplać aŭto.
Na druhim miescy — Italija. Tam 548 aŭtamabilaŭ na 1 tysiaču žycharoŭ. Zamykaje trojku lideraŭ Aŭstryja — 510 mašyn. Adznačym, što ŭ krainach Zachodniaj Jeŭropy ŭ siarednim prypadaje pa 508 mašyn na 1 tysiaču žycharoŭ, a ŭ krainach‑pačatkoŭcach ES — pa 307 mašyn.
Siarod krain SND pa kolkaści aŭtamabilaŭ pieršaj źjaŭlajecca Biełaruś (261 aŭto), choć ekśpierty adznačajuć, što aŭtapark u našaj krainie nie vyłučajecca vysokaj jakaściu i naviznoj.
Za Biełaruśsiu idzie Rasija z 230 aŭtamabilami na 1 tysiaču nasielnictva.
