Ziamla rasstupiłasia. U Kazachstanie pabačyli niezvyčajnuju i dziŭnuju źjavu
Niezvyčajnuju pryrodnuju źjavu vyjavili ŭ adnym z rajonaŭ Kastanajskaj vobłaści, što ŭ centry krainy, piša Tengrinews.kz.
Fota: Naša hazieta
Na adnym z paloŭ vidavočcy zaŭvažyli vielizarnuju adtulinu ŭ ziamli. U rajonnym akimacie zajavili, što jama źjaviłasia ŭ vyniku pryrodnaha ŭździejańnia.
Pa danych akimata, na ziemlach sielskahaspadarčaha pryznačeńnia ŭtvaryłasia jama pamieram 3ch4 mietry i hłybinioj da 10 mietraŭ.
«Z-za vialikaj kolkaści vady, z vosieni 2023 hoda apadki ŭ vyhladzie daždžu i śniehu, a taksama pavodki hetaha hoda, ziamla całkam pramočanaja, padniaŭsia ŭzrovień hruntavych vod. U suviazi z hetym adbyŭsia abvał ziamli», — paviedamili ŭ administracyi.
Fota: Naša hazieta
Na kadrach, źniatych na miescy zdareńnia, vidać, što ŭnutry vialikaj jamy ŭtvaryłasia maleńkaja adtulina, a jaje hłybinia značna bolšaja, čym zdajecca na pieršy pohlad.
