Dziaŭčynie z Baranavičaŭ prysudzili hod kałonii za pratesty. Ale pakinuli doma, pakul jaje dzicia nie padraście

Kryścina Dydyška-Čarkašyna. Fota ź jaje staronki va Ukantakcie

Dziaŭčynu kličuć Kryścina Dydyška-Čarkašyna. Jana naradziłasia va Uźbiekistanie, ale ź dziacinstva žyła ŭ Biełarusi — u ahraharadku Druckaŭščyna Niaśvižskaha rajona.

Kryścina zarehistravanaja jak indyvidualnaja pradprymalnica ŭ śfiery «Dziejnaść restaranaŭ».

Zhodna z pastanovaj suda, Kryścina ŭdzielničała ŭ pratestach u Baranavičach z 9 na 10 žniŭnia 2020 hoda. Za heta joj pryznačyli hod kałonii z adterminoŭkaj da momantu, pakul dziciaci nie spoŭnicca try hady.

U Jurydyčnaj słužbie «Viasny» źviartajuć uvahu na artykuł 93 Kryminalnaha kodeksa. U vypadku, kali ŭ žančyny jość dzicia ŭzrostam da troch hadoŭ abo jana ciažarnaja, to sud moža dać joj mahčymaść adterminoŭki da času, pakul dziciaci nie spoŭnicca try hady. Heta mahčyma, kali prysud nie bolšy za piać hadoŭ kałonii.

Kali dziciaci spoŭnicca try hady, to sud vyrašaje, što rabić dalej: adpravić adbyvać pakarańnie, źmiahčyć jaho abo zvolnić ad pakarańnia zusim.

Nieviadoma, kolki hadoŭ dziciaci Kryściny abo jana jašče ciažarnaja, u sacsietkach jana pra heta nie piša.

Adnačasova z Kryścinaj Dydyška-Čarkašynaj sudzili Ivana Dydyšku. Jon atrymaŭ 2 hady kałonii.

Čytajcie taksama:

Udzielniku pratestaŭ u Baranavičach dali 25 hadoŭ asobaha režymu. Ale jość niuans

67-hadovaja biełaruska viarnułasia sa Šviecyi. Ciapier joj pahražaje da dziesiaci hadoŭ turmy

Raspaznavańnie tvaraŭ: što heta takoje, jak jano pracuje i jakija zdolnaści biełaruskich siłavikoŭ

Nashaniva.com

Chočaš padzialicca važnaj infarmacyjaj
ananimna i kanfidencyjna? Pišycie redaktaru
«Našaj Nivy» ŭ TH

0

3

1

0

4

35