Abnoŭlenaja vakcyna «Sputnik łajt» źjavicca ŭ šyrokim užytku ŭ śniežni
Efiektyŭnaść abnoŭlenaha «Sputnik łajt» suprać aktualnych štamaŭ kavidu blizkaja da 100%, śćviardžaje raspracoŭščyk vakcyny.
Fota: kobrincity.by
Efiektyŭnaść vakcyny «Sputnik łajt» z abnoŭlenym antyhiennym składam suprać aktualnych štamaŭ SARS-CoV-2 blizkaja da 100%. Pra heta TASS paviedamiŭ dyrektar Centra epidemijałohii i mikrabijałohii imia Hamalei Minzdaroŭja Rasii Alaksandr Hincburh.
«Na siońniašni dzień pa viruśniejtralizacyi [suprać] tych aktualnych štamaŭ, jakija ŭ nas cyrkulujuć, aceńvajem blizka da 95-97%, to-bok da 100%», — skazaŭ jon.
Hincburh taksama paviedamiŭ pra zaviaršeńnie kliničnych daśledavańniaŭ abnoŭlenaha «Sputnika łajt». Jon čakaje, što pieršyja sieryi preparatu trapiać u hramadzianski abarot da 10 śniežnia.
23 kastryčnika Alaksandr Hincburh zajaŭlaŭ, što pieršapačatkovy varyjant «Sputnika łajt» biaśsilny suprać novych štamaŭ, a abnoŭleny varyjant vakcyny źjavicca ŭ šyrokim užytku nie raniej za sakavik.
«Sputnik łajt» — heta adnakampanientnaja vakcyna, u Biełarusi, aproč «Sputnika», taksama pryščaplajuć kitajskaj vakcynaj Vero Cell i dzie-nidzie bustarnaj kubinskaj «Sabierana plus».
Čytajcie taksama:
U Minzdaroŭja raskazali, jaki štam karanavirusa cyrkuluje ŭ Biełarusi
Jak zaścierahčy siabie i svaich blizkich ad COVID-19 u novym siezonie. Parady
Hałoŭny sanitarny doktar Biełarusi zrabiŭ užo piać pryščepak ad karanavirusa
