Alena Zialenskaja padčas vizitu ŭ Sieuł zaklikała Paŭdniovuju Kareju bolš aktyŭna dapamahać Ukrainie
Pieršaja łedzi Ukrainy Alena Zialenskaja sustrełasia z prezidentam Paŭdniovaj Karei Jun Sok Jolem u aŭtorak u Sieule i zaklikała da «bolš radykalnaj» padtrymki Ukrainy ŭ baraćbie suprać Rasii, piša Bi-bi-si.
Alena Zialenskaja. Fota: President.gov.ua
Zialenskaja, miž inšym, paprasiła nielatalnuju vajskovuju dapamohu ŭ vyhladzie minašukalnikaŭ. Jana taksama padniała pytańnie ab mahčymym vizicie Juna va Ukrainu, zajaviŭšy, što vizit budzie «vielmi karysnym», a Ukraina «zaŭsiody čakaje svaich siabroŭ».
«Taki vizit vielmi padtrymaŭ by ŭkraincaŭ, bo heta sposab padzialić z nami našu kanfrantacyju, prynamsi, na adzin dzień našaha žyćcia», — paviedamiła Zialenskaja.
Da ciapierašniaha času Paŭdniovaja Kareja davała tolki humanitarnuju i ekanamičnuju dapamohu Ukrainie, adnak na pačatku maja prezident Jun Sok Jol, jaki byŭ tady ź vizitam u ZŠA, na pytańnie ab mahčymaści pastavak zbroi Kijevu adkazaŭ, što hety varyjant razhladajecca.
Siońnia prezident vykazaŭ «padtrymku i salidarnaść naroda Paŭdniovaj Karei z Ukrainaj, a taksama najhłybiejšyja spačuvańni siemjam zahinułych», havorycca ŭ paviedamleńni jaho ofisa.
«Ni pry jakich abstavinach nielha dapuskać prymianieńnia siły i biesčałaviečnych dziejańniaŭ, jakija nanosiać žudasnuju škodu niavinnym žyćciam, asabliva žančynam i dzieciam», — adznačyŭ prezident.
Ofis prezidenta Paŭdniovaj Karei ŭ minułym miesiacy paviedamlaŭ, što pastanova Sieuła ab adpraŭcy vajskovaj dapamohi Kijevu zaležyć ad dziejańniaŭ Rasii; bujny napad na mirnych žycharoŭ moža schilić šali.
Čytajcie taksama:
Prezident PAR zajaviŭ, što Zialenski i Pucin pahadzilisia na mirnuju misiju z Afryki
Načnaja ataka na Kijeŭ była vyklučnaj pa svajoj ščylnaści — ułady stalicy
