Знайсці
16.05.2023 / 15:381РусŁacБел

Алена Зяленская падчас візіту ў Сеул заклікала Паўднёвую Карэю больш актыўна дапамагаць Украіне

Першая лэдзі Украіны Алена Зяленская сустрэлася з прэзідэнтам Паўднёвай Карэі Юн Сок Ёлем у аўторак у Сеуле і заклікала да «больш радыкальнай» падтрымкі Украіны ў барацьбе супраць Расіі, піша Бі-бі-сі.

Алена Зяленская. Фота: President.gov.ua

Зяленская, між іншым, папрасіла нелятальную вайсковую дапамогу ў выглядзе мінашукальнікаў. Яна таксама падняла пытанне аб магчымым візіце Юна ва Украіну, заявіўшы, што візіт будзе «вельмі карысным», а Украіна «заўсёды чакае сваіх сяброў».

«Такі візіт вельмі падтрымаў бы ўкраінцаў, бо гэта спосаб падзяліць з намі нашу канфрантацыю, прынамсі, на адзін дзень нашага жыцця», — паведаміла Зяленская.

Да цяперашняга часу Паўднёвая Карэя давала толькі гуманітарную і эканамічную дапамогу Украіне, аднак на пачатку мая прэзідэнт Юн Сок Ёль, які быў тады з візітам у ЗША, на пытанне аб магчымасці паставак зброі Кіеву адказаў, што гэты варыянт разглядаецца.

Сёння прэзідэнт выказаў «падтрымку і салідарнасць народа Паўднёвай Карэі з Украінай, а таксама найглыбейшыя спачуванні сем'ям загінулых», гаворыцца ў паведамленні яго офіса.

«Ні пры якіх абставінах нельга дапускаць прымянення сілы і бесчалавечных дзеянняў, якія наносяць жудасную шкоду нявінным жыццям, асабліва жанчынам і дзецям», — адзначыў прэзідэнт.

Офіс прэзідэнта Паўднёвай Карэі ў мінулым месяцы паведамляў, што пастанова Сеула аб адпраўцы вайсковай дапамогі Кіеву залежыць ад дзеянняў Расіі; буйны напад на мірных жыхароў можа схіліць шалі.

Чытайце таксама:

Прэзідэнт ПАР заявіў, што Зяленскі і Пуцін пагадзіліся на мірную місію з Афрыкі

Начная атака на Кіеў была выключнай па сваёй шчыльнасці — улады сталіцы

Вагнераўцы залезлі ў Бахмут, як пацукі ў пастку — Сырскі

Nashaniva.com

Хочаш падзяліцца важнай інфармацыяй
ананімна і канфідэнцыйна?

Клас
2
Панылы сорам
0
Ха-ха
0
Ого
0
Сумна
0
Абуральна
0
3
Дарадца/адказаць/
16.05.2023
Ей патрэбны дарадца. Вячорка идэальны кандытат.
Каб пакінуць каментар, калі ласка, актывуйце JavaScript у наладах свайго браўзера
Каб скарыстацца календаром, калі ласка, актывуйце JavaScript у наладах свайго браўзера
сакавіккрасавікмай
ПНАЎСРЧЦПТСБНД
1234567
891011121314
15161718192021
22232425262728
2930