Nazvana samaja karotkaja vulica Minska. Jana daŭžynioj mienš za 90 mietraŭ i tam usiaho adzin dom
Cikavaj infarmacyjaj, jakuju, chutčej za ŭsio, viedaje daloka nie kožny minčuk, padzialiŭsia telehram ŽKH Minska. Tam nazvanaja samaja karotkaja staličnaja vulica — Biblijatečnaja. Jaje daŭžynia mienš za 90 mietraŭ. I tam raźmieščany ŭsiaho adzin dom, jaki nie maje da biblijateki nijakaha dačynieńnia.
Vulica znachodzicca ŭ Savieckim rajonie stalicy ŭ mikrarajonie ŭniviersama «Ryha». Jašče niekalki dziasiatkaŭ hadoŭ tamu jana była našmat daŭžejšaj i złučała vulicy Bahdana Chmialnickaha z Łamanosava. Ciapier «upirajecca» ŭ vulicu Niakrasava, udakładniaje Blizko.by.
Siońnia tam jość adzin dom №49. Heta administracyjny budynak. Nasuprać jaho znachodzicca internat Minskaha dziaržaŭnaha vyšejšaha radyjotechničnaha kaledža, jaki aficyjna adnosicca da vulicy Łamanosava.
Maršruty hramadskaha transpartu pa hetaj vulicy nie prakładzienyja, a najbližejšaja stancyja mietro — Akademija navuk — znachodzicca na adlehłaści 1,4 kiłamietra. Bližejšy aŭtobusny prypynak — Jakuba Kołasa staić na adlehłaści 90 mietraŭ.
Čytajcie taksama:
La Pałaca sportu ŭ Minsku źjaviacca kirmašovyja domiki
U Minsku chočuć pavialičyć kolkaść kamier videanazirańnia ŭ piać razoŭ
