Pahraničny kamitet farmuje dźvie manieŭranyja hrupy na zachodniaj miažy
Dziaržaŭny pamiežny kamitet farmuje na miažy dadatkovyja manieŭranyja hrupy. Pra heta zajaviŭ žurnalistam staršynia Dziaržpahrankamiteta Anatol Łapo paśla narady ŭ Łukašenki pa pytańniach biaśpieki i pravaparadku i mierach pa achovie dziaržaŭnaj miažy, piša BiełTA.
«Miaža — heta žyvy arhanizm, i abstanoŭka ŭ zimovy pieryjad i letni zusim inšaja. Kali ŭzimku ŭčastki dzieści nieprachodnyja abo ciažkaprachodnyja, to viasnoj-letam jany ahalajucca», — adznačyŭ Anatol Łapo.
Na naradzie Łukašenku dałažyli, jak składvajecca abstanoŭka na miažy i jak u suviazi z hetym farmirujucca manieŭranyja hrupy, jakoj technikaj zabiaśpiečvajucca padraździaleńni na miažy.
«My ŭ minułym adnu hrupu sfarmavali ŭ mazyrskim atradzie (heta kala 300 čałaviek), ciapier abstanoŭka takaja, što my vymušanyja farmavać adnu manieŭranuju hrupu na lidskim kirunku, druhuju — jak rezierv na bresckim napramku. Budzie vosień — moža, jany tam niepatrebnyja buduć, budziem pierakidvać na inšy kirunak», — raspavioŭ staršynia Dziaržpahrankamiteta.
Čytajcie taksama:
Staršynia KDB praanansavaŭ «šerah surjoznych akcyj zamiežnych centraŭ» na terytoryi Biełarusi
«Abstanoŭka na miažy prahnazujemaja i kantralujemaja», — zapeŭniŭ Anatol Łapo.