Pad Pieciarburham pobač ź miescam padryvu apory ŁEP znajšli jašče try vybuchovyja pryłady z tajmierami i detanatarami
U rajonie Susanina pad Pieciarburham, dzie napiaredadni adbyŭsia vybuch pad aporaj linii elektrapieradač, vyjavili jašče try vybuchovyja pryłady z elektronnymi tajmierami, paviedamlaje «Fantanka».
Adna z pryład była na padarvanaj apory. Jašče dźvie z elektronnymi tajmierami, detanatarami i vybuchovym rečyvam masaj kala 300 i 600 hramaŭ źniali z susiedniaj ŁEP.
Telehram-kanała «Ratonda» paviedamiŭ, što palicyja razasłała aryjenciroŭki ab pošuku mierkavanaha dyviersanta — 30-hadovaha žychara Vałhahrada na čornym aŭtamabili Chevrolet Captiva.
Učora ŭ Rasii adbyłosia dźvie hučnyja dyviersii. Na terytoryi Susaninskaha sielskaha pasielišča ŭ Hatčynskim rajonie Leninhradskaj vobłaści padarvali aporu linii elektrapieradač, a ŭ Branskaj vobłaści puścili pad adchon ciahnik Biełaruskaj čyhunki.