Пад Пецярбургам побач з месцам падрыву апоры ЛЭП знайшлі яшчэ тры выбуховыя прылады з таймерамі і дэтанатарамі
У раёне Сусаніна пад Пецярбургам, дзе напярэдадні адбыўся выбух пад апорай лініі электраперадач, выявілі яшчэ тры выбуховыя прылады з электроннымі таймерамі, паведамляе «Фантанка».
Адна з прылад была на падарванай апоры. Яшчэ дзве з электроннымі таймерамі, дэтанатарамі і выбуховым рэчывам масай каля 300 і 600 грамаў знялі з суседняй ЛЭП.
Тэлеграм-канала «Ратонда» паведаміў, што паліцыя разаслала арыенціроўкі аб пошуку меркаванага дыверсанта — 30-гадовага жыхара Валгаграда на чорным аўтамабілі Chevrolet Captiva.
Учора ў Расіі адбылося дзве гучныя дыверсіі. На тэрыторыі Сусанінскага сельскага паселішча ў Гатчынскім раёне Ленінградскай вобласці падарвалі апору лініі электраперадач, а ў Бранскай вобласці пусцілі пад адхон цягнік Беларускай чыгункі.