Minčuku dali try hady «chatniaj chimii» za ŭdzieł u dźviuch akcyjach pratestu ŭ 2020 hodzie
Na try hady abmiežavańnia voli biez nakiravańnia va ŭstanovu adkrytaha typu asudžany za ŭdzieł u akcyjach pratestu ŭ 2020 hodzie dapamožny rabočy adnaho ź minskich pradpryjemstvaŭ Juryj Prackievič, piša «Viasna».
Sprava razhladałasia 27 lutaha ŭ sudzie Partyzanskaha rajona Minska. Sudździa — Michaił Makarevič.
Prackieviča zatrymali 18 śniežnia 2022 hoda i da suda źmiaścili ŭ śledčy izalatar.
Pa materyjałach abvinavačańnia, Juryj Prackievič dvojčy braŭ udzieł u hrupavych dziejańniach, jakija hruba parušyli hramadski paradak, a taksama paciahnuli parušeńnie pracy transpartu i pradpryjemstvaŭ (č. 1 art. 342 Kryminalnaha kodeksa). Tak, u pieršym vypadku jon ruchaŭsia pa prajeznaj častcy vulicy Daŭhabrodskaj u składzie kałony pracaŭnikoŭ pradpryjemstvaŭ, u druhim vypadku pa praśpiektach Niezaležnaści i Pieramožcaŭ.
Byŭ apaznany pa adzieńni, a zatym u jahonym telefonie śledčyja znajšli fotazdymki z akcyj pratestu.
U sudovym pasiadžeńni svaju vinu Prackievič pryznaŭ całkam.
Sud pakaraŭ jaho tryma hadami «chatniaj chimii».
Mužčyna byŭ vyzvaleny ŭ zale suda.