U Litvie razhladajuć mahčymaść prachodzić terminovuju słužbu pa vychadnych
Ministr abarony Litvy Arvidas Anušaŭskas nie vyklučaje, što ŭ budučyni słužbu ŭ vojsku ŭ vychadnyja dni zmohuć prachodzić nie tolki dobraachvotniki, ale i pryzyŭniki terminovaj słužby, piša Delfi.lt.
Fota: LRT
Ministr źviarnuŭ uvahu na toje, što ŭ reformie słužby ŭ vojsku pastaŭlena meta arhanizavać u šerahach dobraachvotnikaŭ roty dla navučańnia tych, chto chacieŭ by słužyć pa vychadnych.
«Reforma słužby ŭ vojsku praduhledžvaje takuju metu, jak arhanizacyja ŭ šerahach dobraachvotnikaŭ roty dla navučańnia tych maładych ludziej, jakija chacieli b słužyć pa vychadnych, tak jany na praciahu troch hadoŭ projduć usio navučańnie. Heta adzin ź niekalkich varyjantaŭ, jakija źjaviacca ŭ pryzyŭnikoŭ. I heta budzie mahčymaść nie iści ŭ vojska adrazu na 6—9 miesiacaŭ. Pakul takoj mahčymaści naohuł niama», — skazaŭ jon u aŭtorak.
Na pytańnie, ci zmohuć u vychadnyja słužyć i pryzyŭniki, Anušaŭskas adkazaŭ, što i taki varyjant moža źjavicca ŭ zakonie. «Moh by, ja dumaju, vybar, viadoma ž, budzie prapisany ŭ zakonie, ale dumaju, zmohuć. Ciapier u šerahi dobraachvotnikaŭ traplajuć maładyja ludzi i tyja, chto ŭžo adsłužyŭ u vojsku, i, viadoma ž, bolšaja častka hetych ludziej u šerahach dobraachvotnikaŭ pa roznych akaličnaściach pravodzić piać, a časam i bolš hadoŭ. Ratacyja jość, tamu ŭ šerahi dobraachvotnikaŭ treba ŭklučać usio novych i novych ludziej, heta bieśpierapynny praces», — skazaŭ ministr.
