Finansavańnie STB pavialičyli ŭ 4,7 raza. Kolki dziaržaŭnych hrošaj sioleta pojdzie na prapahandu
Biudžety dziaržaŭnaha TB i praŭładnych telehram-kanałaŭ analizuje prajekt «Našy hrošy».
Fota: tvitar No Context Belarus
U 2020 hodzie na dziaržaŭnyja miedyja vydatkavali 164,2 młn rubloŭ, u 2021-m — 146,5 (biudžet z ulikam karekcirovak), letaś raźličvali asvoić 151 młn.
Sioleta na prapahandu z respublikanskaha biudžetu płanujecca vydatkavać 162,4 młn. Z hetaj sumy 133,6 młn pojduć na telebačańnie i radyjo, 9,1 młn — na drukavanyja ŚMI i 19,7 młn — na inšyja (naprykład, praŭładnyja telehram-kanały i anhažavanych YouTube-błohieraŭ).
Čempijon pa pryroście finansavańnia — «Staličnaje telebačańnie». U 2023-m na jaho dajuć 3,84 młn rubloŭ — na 366% bolš, čym letaś.
Niemały pryrost i ŭ «Druhoha nacyjanalnaha telekanała», na jaki sioleta płanujecca vydatkavać 4,66 młn rubloŭ, što na 44% bolš, čym u 2022-ym.
Teleradyjokampanija «Mir» častkova finansujecca ź biudžetu SND. Z respublikanskaha biudžetu Biełarusi na dziejnaść hetaha kanała vyłučajecca 9,61 młn rubloŭ, što na 13,3% bolš, čym letaś.
Samy toŭsty kavałak biudžetnaha piraha adkusić Biełteleradyjokampanija, jakoj sioleta płanujecca dać 120,5 miljona rubloŭ.
Takim čynam, adzin dzień viaščańnia hetaj arhanizacyi abychodzicca padatkapłacielščykam u 330 tysiač rubloŭ. U paraŭnańni ź minułym hodam pryrost finansavańnia zusim nievialiki — 5%.
Varta adznačyć, što niemałuju častku biudžetu dziaržaŭnych telekanałaŭ da vajny zajmali płaciažy za tranślacyju značnych mižnarodnych šou i spartyŭnych spabornictvaŭ, takich, jak čempijanat śvietu pa futbole abo «Jeŭrabačańnie». Ciapier hetyja srodki buduć svabodnyja.
Rehijanalnyja dziaržaŭnyja miedyja bolšuju častku finansavańnia atrymlivajuć ź miascovych biudžetaŭ.
Letaś u respublikanskim biudžecie zastalisia svabodnyja hrošy. Zdahadajciesia, kudy ich vyrašyli nakiravać
