Na hranicy z Polščaj pamior dalnabojščyk ź Sierbii. Prapahanda raskruciła heta pa poŭnaj
U punkcie propusku «Bierastavica» ŭ zale mytnaha afarmleńnia pamior dalnabojščyk, jaki jechaŭ ź Sierbii ŭ Kazachstan. U vypusku dziaržaŭnaha telekanała «Hrodna Plus» trahiedyju vykarystali, kab raskrytykavać Polšču.
U siužecie havorycca, što sierbu stała kiepska jašče ŭ Polščy, ale źviartacca tam da miedykaŭ jon nie chacieŭ, bo nibyta płanavaŭ trapić da biełaruskich daktaroŭ.
Dalej na videa pakazvajucca abstaviny zdareńnia: mužčyna zachodzić u zału, sadzicca na kresła, a paśla padaje ź jaho.
Potym u siužecie pakazvajuć fielčara chutkaj dapamohi, jaki čytaje padrychtavany tekst ab pryčynie śmierci i ab tym, što situacyja na hranicy moža padkasić navat zdarovaha čałavieka.
Temu čerhaŭ zakranaje i sudmiedekśpiert, jaki rabiŭ uskryćcio trupa: «Puskavym miechanizmam dla raźvićcia krovaźlićcia ŭ padstraŭnikavuju załozu mahło być mahčymaje stajańnie ŭ praciahłych čerhach, niemahčymaść prymańnia niejkich miedycynskich preparataŭ, jakija mahli b nie abvastrać dadzieny praces, kali ŭ jaho taki mieŭsia, voś mienavita balučyja źmieny ŭ padstraŭnikavaj załozie».
U videa taksama pakazvajuć inšych dalnabojščykaŭ, jakija nachvalvajuć biełaruskich pahraničnikaŭ i mytnikaŭ i krytykujuć palakaŭ.
