NN sychodzić z Rasii. Ale heta nie toje, pra što vy padumali
Kanadskaja kampanija pa vytvorčaści vierchniaha i spartyŭnaha adzieńnia Helly Hansen pakidaje rasijski rynak. Pra heta paviedamlaje hazieta «Viedomosti» sa spasyłkaj na novych uładalnikaŭ kanadskaj dački ŭ Rasii.
Fota: instagram.com/hellyhansen
U kancy žniŭnia hienieralny dyrektar Ihar Rahanovič i juryst Andrej Karasioŭ nabyli TAA «Chielen Chansien» u Helly Hansen Russia AS, u kastryčniku kampanija atrymała novuju nazvu — «Retejł RC».
Rahanovič udakładniŭ, što ciapier pad nazvaj «Chansien» u Rasii funkcyjanuje šeść aŭtletaŭ. Miarkujecca, što pradukcyja ŭ ich skončycca praz 2-3 miesiacy. «Retejł RC» płanuje stvaryć sietku kramaŭ spartyŭnaha adzieńnia pad brendam Move.
Biznesmien raskazaŭ, što ŭ novych kramach budzie pradstaŭlena adzieńnie ad Nike, Adidas, Puma, Mont, Kronos, Geox, Under Armor. Adzieńnie hetych brendaŭ niekalki tydniaŭ tamu pierastali zavozić u Rasiju, tamu Rahanovič nie rastłumačyŭ, jak budzie ažyćciaŭlacca ich dastaŭka.
Bolšaść kram Helly Hansen začyniłasia abo budzie začyniena paśla rasprodažu zapasaŭ tavaraŭ.
Helly Hansen abviaściła ab prypynieńni pracy svajoj anłajn-kramy ŭ Rasii paśla ŭvarvańnia Rasii va Ukrainu. Pastaŭki pradukcyi ŭ rasijskija kramy byli prypynienyja.
