Padletki sa Słucka zrabili rovar, jaki ŭsich ździŭlaje
Dvoje słuččakoŭ zmajstravali rovar, natchniŭšysia zamiežnymi madelami. Dniami jany abkatali jaho ŭ parku.
Dziamjan Karnušenka i Bažen Łukjanienka zmajstravali rovar-čopier. Jon nahadvaje pa abrysach bajkierski matacykł, piša «Infa-Kurjer».
«Niejak letam siadzieli ŭ internecie i ŭbačyli, jak amierykancy pierarablajuć rovary, robiačy ich padobnymi na matacykły. My zaharelisia hetaj idejaj i vyrašyli zrabić niešta padobnaje. Naš rovar zrobleny na bazie rovara «Aist». Niešta abrezali, niešta pryvaryli. Viłku nadtačyli, a koła zadniaje — heta «dakatka» ad aŭtamabila z padoŭžanaj vośsiu. Možna skazać, što heta pakul čarnavy varyjant. Abkatvajem, kab pahladzieć, jak jon jedzie. Pa adčuvańniach, jeździć na im davoli kamfortna. Viadoma, my budziem jaho jašče darablać i, moža być, pastavim elektramator, kab zabycca pra piedali», — raspaviali chłopcy.
