U Łatvii pačali zbor srodkaŭ na bieśpiłotnik Bayraktar dla Ukrainy
U Łatvii pačaŭsia zbor srodkaŭ na nabyćcio dla patreb Uzbrojenych sił Ukrainy bieśpiłotnaha latalnaha bajavoha aparata Bayraktar, paviedamlaje Delfi.lv. Raniej anałahičnyja zbory prajšli ŭ Litvie i Polščy.
Adnym ź inicyjataraŭ zboru srodkaŭ staŭ muzyka Rałfs Ejłands: u raźmieščanym u internecie videa jon paviedamiŭ, što ŭ kožnaha žychara Łatvii jość mahčymaść dakazać svaju padtrymku Ukrainie, a taksama z dapamohaj ruk ukraincaŭ «pieradać pryvitańnie ruskim akupantam».
U cełym na «łatvijski Bayraktar» nieabchodna sabrać 5 miljonaŭ jeŭra.
Łatvija — nie pieršaja kraina, hramadzianie jakoj vyrašyli vykazać svaju padtrymku Ukrainie, źbirajučy achviaravańni. Anałahičnyja zbory prajšli ŭ Polščy i Litvie. Tak u Litvie nieabchodnyja hrošy sabrali za niekalki dzion, a turki pieradali aparat, jak i dla palakaŭ, biaspłatna.
Inicyjatyva była ahučanaja ŭ aŭtorak. U pieršyja hadziny kala 200 čałaviek achviaravali ahułam 7000 jeŭra.
