Znajści
Ałharytmičny łacinski varyjant
23.05.2024 / 22:571RusŁacBieł

Top-7 novaŭviadzieńniaŭ amnistyi-2024 — palohka žančynam, asudžanym za narkotyki ci zabojstva, u jakich jość dzieci

Saviet ministraŭ Biełarusi pieradaŭ u parłamient prajekt amnistyi da 80-hodździa vyzvaleńnia Biełarusi ad niamiecka-fašysckich zachopnikaŭ. Pakul heta tolki prajekt amnistyi, tearetyčna deputaty mohuć skarektavać dakumient, ale imaviernaść heta minimalnaja. Dakumient užo prajšoŭ zaćviardžeńnie ŭ siłavych viedamstvach i ŭ Administracyi prezidenta, tamu deputaty miechanična padtrymajuć jaho.

Prajekt novaha zakona ab amnistyi tradycyjna bazujecca na tekście papiaredniaj amnistyi (2022 hoda).

Pa-raniejšamu pad palohku nie traplajuć palitviaźni. Amal usie palityčnyja artykuły ŭklučanyja ŭ śpis tych, pa jakich amnistyi nie budzie. Aproč taho, błakujuć «złosnych parušalnikaŭ» — a taki status zvyčajna majuć usie palitviaźni, u tym liku i tyja, chto farmalna nie asudžany pa palityčnych artykułach.

Amnistyja taksama amal nie zakranie ludziej, asudžanych za ciažkija i asablivyja złačynstvy, a taksama amal usich asudžanych za narkotyki.

«Naša Niva» vyłučyła siem asnoŭnych novaŭviadzieńniaŭ.

1. Hod skinuć šmatdzietnym maci, asudžanym za zabojstva biez abciažarvajučych abstavinaŭ (č. 1 art. 139) ci pryčynieńnie ciažkich cialesnych paškodžańniaŭ, jakija paciahnuli śmierć (č. 3. art. 147). I ŭ hetym vypadku treba być nie pazbaŭlenym baćkoŭskich pravoŭ.

2. Pa ŭsich narkatyčnych artykułach (327 — 332) hod skinuć nie tolki niepaŭnaletnim (jak było padčas minułaj amnistyi), ale i žančynam, u jakich jość niepaŭnaletnija dzieci. Da ich pryroŭnienyja i adzinokija mužčyny ź niepaŭnaletnimi dziećmi. I ŭ tym, i ŭ tym vypadku treba być nie pazbaŭlenym baćkoŭskich pravoŭ.

3. Hod skinuć asudžanym za startavuju častku artykuła za niesankcyjanavany dostup da kampjutarnaj infarmacyi (č. 1 art. 349), a taksama startavyja častki artykuła za źniščeńnie ci madyfikacyju kampjutarnaj infarmacyi (č. 1 i č. 2 art. 350).

4. Amnistyja nie budzie prymianiacca da asudžanych za naŭmysnaje razhałošvańnie dziaržaŭnaj tajamnicy (art. 373). Pad minułuju amnistyju hety artykuł padpadaŭ. 

5. Adpravić z kałonii na chatniuju chimiju albo vyzvalić z chatniaj chimii mohuć asudžanych za arhanizacyju prastytucyi (č. 1 art. 171), uciahnieńnie ŭ zaniatki prastytucyi (č. 2 art. 171-1)

6. Viaźniaŭ, jakija znachodziacca ŭ kałonii za złačynstvy, jakija nie ŭjaŭlajuć vialikaj hramadskaj niebiaśpieki (maksimalnaje pakarańnie pa artykule — 2 hady), pieraviaduć na chatniuju chimiju. Tych, chto znachodzicca na chimii za złačynstvy, jakija nie ŭjaŭlajuć vialikaj hramadskaj niebiaśpieki, vyzvalać, ale nieadbyty termin budzie ličycca ŭmoŭnym. Ale havorka nie viadziecca pra palityčnyja, narkatyčnyja i inšyja «papularnyja» artykuły.

U 2022 takich viaźniaŭ prosta vyzvalali ad pakarańnia.

7. Viaźniaŭ, jakija znachodziacca ŭ kałonii za mienš ciažkija złačynstvy (maksimalnaje pakarańnie pa artykule — 6 hadoŭ), pieraviaduć na chatniuju chimiju, kali jany ŭžo adbyli chacia b čverć pakarańnia. Tych, chto znachodzicca na chimii za mienš ciažkija złačynstvy, vyzvalać, ale nieadbyty termin budzie ličycca ŭmoŭnym. Ale havorka nie viadziecca pra palityčnyja, narkatyčnyja i inšyja «papularnyja» artykuły.

Amnistyja prymierkavanaja da 3 lipienia, tamu jana ŭstupić u siłu bližej da hetaj daty. Amnistyja budzie praciahvacca paŭhoda ad momantu abviaščeńnia.

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
1
Панылы сорам
4
Ха-ха
3
Ого
1
Сумна
0
Абуральна
6
3
Varyjantaŭ niama/adkazać/
23.05.2024
Situacyja nie palepšycca pakul nie źmienicca režym, a jon nie źmienicca i tamu z metaj choć jakoj narmalizacyi treba šukać damoŭlenaściaŭ z režymam, inšaha niama.
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera
majčervieńlipień
PNSRČCPTSBND
12
3456789
10111213141516
17181920212223
24252627282930