Znajści
Ałharytmičny łacinski varyjant
23.05.2024 / 07:0025RusŁacBieł

Miehaskandał u MUS: supracoŭnik kryminalnaha vyšuku kiravaŭ bandaj, jakaja ŭ bałakłavach rabavała dalnabojščykaŭ

KDB zatrymaŭ supracoŭnika kryminalnaha vyšuku Dokšyckaha RAUS i ŭdzielnika palityčnych represij kapitana Michaiła Zhirskaha. Milicyjaniera abvinavačvajuć u kiraŭnictvie bandaj nalotčykaŭ, pra zatrymańnie jakoj na dniach adrapartavali siłaviki. 

Ministr unutranych spraŭ Ivan Kubrakoŭ

U spravazdačy Ministerstva ŭnutranych spraŭ ad 20 maja 2024 hoda raskazvajecca pra zatrymańnie piaci žycharoŭ Oršy. Jany abkradali fury na stajankach pa ŭsioj Biełarusi. 

Pakul kiroŭca spaŭ u kabinie, złačyncy ŭzłomvali zamok hruzavoha adsieka, zahružali svoj mikraaŭtobus kradzienym tavaram — ad techniki da charčavańnia, — i źjazdžali ź miesca złačynstva. Skradzienaje potym pradavali ŭ Rasii abo karystalisia im sami. 

Havorycca pra šeść epizodaŭ, a taksama zhadvajecca vykarystańnie racyj i bałakłaŭ.

Zatrymańnie ŭdzielnikaŭ bandy, skrynšot videa MUS

Ale heta niapoŭnaja infarmacyja, jakaja prychoŭvaje tonki momant. 

Pa infarmacyi «Našaj Nivy», schoplenyja aršanskija ŭdzielniki bandy paśla zatrymańnia vydali asobu inšaha saŭdzielnika, jaki i zrabiŭ schiemu mahčymaj — praz svoj śpiecyfičny dostup da infarmacyi i viedańnie mietadaŭ kanśpiracyi.

Jak vyjaviłasia, kiraŭnik bandy nalotčykaŭ — 27-hadovy kapitan Dokšyckaha kryminalnaha vyšuku Michaił Zhirski. 

Michaił Zhirski. U jaho jość žonka i dzicia. Fota z bazy «Kibierpartyzanaŭ»

Pavodle infarmacyi «Našaj Nivy», Zhirski nie tolki davodziŭ udzielnikam bandy infarmacyju pra chod rasśledavańniaŭ kryminalnych spraŭ pa ździejśnienych epizodach i prymaŭ udzieł u płanavańni rabavańniaŭ, ale i sam udzielničaŭ u hetych nalotach.

U kvatery Zhirskaha znajšli inšuju, adroznuju ad tabielnaj, zbroju, jakaja fihuravała ŭ zajavach paciarpiełych. A taksama adzieńnie z aryjencirovak i bałakłavu.

Michaił Zhirski druhi sprava. Jaho kalehi na fota na čas pravierki adchilenyja ad słužby. Fota: dokshitsy.by

Sam Zhirski rodam ź blizkaha da Oršy Tałačyna i nibyta daŭno znachodziŭsia ŭ adnosinach z kryminalizavanymi ziemlakami.

Kryminalnaja sprava znachodzicca na asablivym kantroli ŭ kiraŭnikoŭ MUS, Śledčaha kamiteta, Hienieralnaj prakuratury i KDB. Inšyja supracoŭniki kryminalnaha vyšuku Dokšyckaha RAUS časova adchileny ad słužby i praviarajucca na pradmiet datyčnaści da kryminału.

@nashaniva Miehaskandał u biełaruskaj milicyi #milicyja#biełaruś#našaniva#milicijabiełarusi#biełaruskajamova♬ Suspense Thriller - Nitesail

Adrazu paśla zatrymańnia Zhirskaha ŭ rajonie navat zamianili milicejskaje načalstva.

Načalnik milicyi Viciebskaj vobłaści pradstaŭlaje novaha načalnika Dokšyckaha RAUS Vadzima Harbuzava.

Varta taksama adznačyć, što Zhirski prymaŭ udzieł u palityčnych represijach, zatrymlivajučy nievinavatych hramadzian za ŭdzieł u akcyjach pratestu i vykazvańnie niazhody z režymam Alaksandra Łukašenki.

«Naša Niva» — bastyjon biełaruščyny

PADTRYMAĆ

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
16
Панылы сорам
22
Ха-ха
102
Ого
16
Сумна
10
Абуральна
44
0
hierdzień /adkazać/
23.05.2024
a što tut dziŭnaha? bandyty jany i ŭ pahonach zastajucca bandytami. tut paśla zatrymańnia treba navierch jašče i sam kdb zatrymać, tolki škada niama kim pakul
0
Iz naroda vyšieł /adkazać/
23.05.2024
Miełoč, čto zdieś obsuždať?
0
Kastuś/adkazać/
24.05.2024
vsie taki v chodie rasśledovanija vyšli taki sami na siebia))
Pakazać usie kamientary
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera
majčervieńlipień
PNSRČCPTSBND
12
3456789
10111213141516
17181920212223
24252627282930