У Латвіі пачалі збор сродкаў на беспілотнік Bayraktar для Украіны
У Латвіі пачаўся збор сродкаў на набыццё для патрэб Узброеных сіл Украіны беспілотнага лятальнага баявога апарата Bayraktar, паведамляе Delfi.lv. Раней аналагічныя зборы прайшлі ў Літве і Польшчы.
Адным з ініцыятараў збору сродкаў стаў музыка Ралфс Эйландс: у размешчаным у інтэрнэце відэа ён паведаміў, што ў кожнага жыхара Латвіі ёсць магчымасць даказаць сваю падтрымку Украіне, а таксама з дапамогай рук украінцаў «перадаць прывітанне рускім акупантам».
У цэлым на «латвійскі Bayraktar» неабходна сабраць 5 мільёнаў еўра.
Латвія — не першая краіна, грамадзяне якой вырашылі выказаць сваю падтрымку Украіне, збіраючы ахвяраванні. Аналагічныя зборы прайшлі ў Польшчы і Літве. Так у Літве неабходныя грошы сабралі за некалькі дзён, а туркі перадалі апарат, як і для палякаў, бясплатна.
Ініцыятыва была агучаная ў аўторак. У першыя гадзіны каля 200 чалавек ахвяравалі агулам 7000 еўра.
