Ułady akupavanaj častki Zaparožskaj vobłaści padpisali rasparadžeńnie ab praviadzieńni refierendumu
U paniadziełak Jaŭhien Balicki, kiraŭnik administracyi Zaparožskaj vobłaści, ustalavanaj rasijskaj armijaj na zachoplenych terytoryjach, padpisaŭ rasparadžeńnie ab padrychtoŭcy da refierendumu ab «ŭźjadnańni z Rasijaj», paviedamlaje Bi-bi-si.
Jaŭhien Balicki
Miarkujučy pa słovach inšaha pradstaŭnika akupacyjnaj ułady, pytańnie ŭžo vyrašana.
«Zaparožskaja ziamla nazaŭždy sychodzić sa składu Ukrainy. Zaparožskaja vobłaść uziała kurs na ŭźjadnańnie z Rasijaj i zvarotnaha šlachu nie budzie», — kazaŭ raniej Uładzimir Rohaŭ, jaki maje ŭ hetaj administracyi pazicyju hałoŭnaha člena savieta.
Padrychtoŭka da refierendumu daŭno idzie na akupavanaj rasijskimi vojskami častki vobłaści, u jakuju nie ŭvachodzić abłasny centr — horad Zaparožža.
23 lipienia tam pačali farmavać vybarčuju kamisiju dla praviadzieńnia hetaha refierendumu. Dla hetaha akupacyjnyja ŭłady źbirajucca paprasić dapamohi ŭ Centrvybarkama RF.
Sam refierendum pavinien prajści vosieńniu, ale kankretnaja data nie nazyvałasia.
Prezident Ukrainy Uładzimir Zialenski zajaviŭ, što padobnyja refierendumy buduć aznačać kaniec lubych pieramovaŭ z Rasijaj.
