Byłuju lidarku Mjanmy pieraviali ŭ adzinočnuju kamieru. Raniej jaje asudzili na 11 hadoŭ
Hramadzianski lidar Mjanmy Aun San Su Čžy pieraviedzienaja z-pad chatniaha aryštu ŭ adzinočnuju turemnuju kamieru ŭ stalicy krainy Niejpjida.
Uvieś apošni hod jana znachodziłasia ŭ stalicy, adnak miesca jaje ŭtrymańnia nie raskryvałasia.
Padčas papiarednich sudovych pracesaŭ jaje ŭžo asudzili da 11 hadoŭ źniavoleńnia pavodle samych roznych abvinavačvańniaŭ, jakija jana admaŭlaje i nazyvaje palityčna matyvavanymi.
Su Čžy ŭ 1988 hodzie viarnułasia z Brytanii ŭ Mjanmu i ŭznačaliła apazicyju, 15 hadoŭ praviała pad chatnim aryštam. U 1991-m stała łaŭreatkaj Nobieleŭskaj premii miru. Źjaŭlałasia dziaržsavietnikam z 2016 pa luty 2021 hoda. Na pasadu prezidenta pretendavać nie mahła zhodna ź miascovym zakanadaŭstvam.
1 lutaha 2021 hoda mjanmanskija vajskoŭcy zładzili pieravarot i abviaścili pra ŭviadzieńnie nadzvyčajnaha stanovišča terminam na hod i źniaćcie kiraŭnictva krainy, uklučajučy prezidenta Vin Mjina i Aun San Su Čžy. Pradstaŭniki vojska patłumačyli heta maštabnymi falsifikacyjami, jakimi, jak jany śćviardžajuć, supravadžalisia usieahulnyja parłamienckija vybary, jakija prajšli ŭ listapadzie 2020 hoda, na jakich znoŭ pieramahła Su Čžy.
Tady chunta abvinavaciła Su Čžy ŭ parušeńni dziaržaŭnaj tajamnicy, nielehalnym uvozie partatyŭnaj radyjotechniki, vykarystańni hetaj aparatury bieź dziaržaŭnaj rehistracyi, parušeńni režymu nadzvyčajnaha stanovišča i atrymańni chabaru. Jaje aryštavali 1 lutaha naŭprost u kabiniecie, z taho momantu da suda jaje nichto nie bačyŭ.
Čytajcie taksama:
Mjanma: što adbyvajecca, kali siłaviki robiacca ŭładnaj kastaj
Viktar Marcinovič: Jak kančajecca demakratyja. Uroki Mjanmy
Miljony ludziej dałučylisia da ŭsieahulnaj zabastoŭki ŭ Mjanmie
U Mjanmie padčas pratestaŭ za adzin dzień zabili bolš za 100 čałaviek. Siarod achviaraŭ jość dzieci
