U Minsku vyniesieny jašče adzin prysud za ŭdzieł u akcyjach pratestu ŭ 2020 hodzie
Sud Maskoŭskaha rajona Minska 13 červienia vynies prysud pa spravie Ihara Kraŭčanki, jakoha abvinavacili ŭ arhanizacyi i padrychtoŭcy dziejańniaŭ, što hruba parušyli hramadski paradak (č. 1 art 342 Kryminalnaha kodeksa).
Spravu razhladała sudździa Taćciana Pirožnikava.
Palitźniavolenaha Ihara Kraŭčanku supracoŭniki milicyi zatrymali 25 lutaha 2022 hoda, da suda jon utrymlivaŭsia ŭ SIZA №1 Minska.
Sudovyja słuchańni pačalisia 9 červienia.
Kraŭčanku abvinavacili ŭ aktyŭnym udziele ŭ akcyjach pratestu, jakija adbyvalisia ŭ Minsku paśla 9 žniŭnia 2020 hoda.
U raniejšyja hady abvinavačany nieadnarazova zatrymlivaŭsia za ŭdzieł u niesankcyjanavanych maršach i mitynhach, byŭ niekalki razoŭ aštrafavany pa administracyjnych spravach.
Sud pryznaŭ jaho vinu dakazanaj i vynies rašeńnie pakarać abmiežavańniem voli biez nakiravańnia va ŭstanovu adkrytaha typu terminam na try hady.
