Kamandzir marpiechaŭ z «Azoŭstali» stvaryŭ akaŭnt u Twitter, kab paprasić Maska pra cud
Siarhiej Vałyna, kamandzir padraździaleńnia 36-j bryhady marskoj piachoty Ukrainy, stvaryŭ akaŭnt u Twitter, «tolki dla taho, kab źviarnucca da Iłana Maska», paviedamiŭ jon sam.
«Kažuć, ty prybyŭ ź inšaj płaniety, kab navučyć ludziej vieryć u niemahčymaje.
Našy płaniety znachodziacca pobač, tamu što ja žyvy tam, dzie praktyčna niemahčyma vyžyć.
Dapamažy nam vyjści z «Azoŭstali» ŭ treciuju krainu. Kali nie ty, to chto? Padkažy».
Vałyna paprasiŭ «kožnaha čałavieka płaniety Ziamla» dapamahčy Masku ŭbačyć dopis. «Kažuć, jaho zadačaj było natchnić čałaviectva, prymusić pavieryć u niemahčymaje. Jon dakazaŭ, što dla jaho nie isnuje zadač, jakija niemahčyma vyrašyć, što mahčyma ŭsio! Jon nikoli nie zdajecca, jak i my», — patłumačyŭ Vałyna svoj zvarot.
Abaroncy Maryupala znachodziacca ŭ abłozie pad bieśpierapynnymi bambavańniami. U ich zakančvajucca vada i ježa, tam šmat paranienych. Rasijanie nie dajuć im kalidor dla vychadu.
