Znajści
Ałharytmičny łacinski varyjant
22.05.2024 / 10:3910RusŁacBieł

Pamiatajecie Mary Kando, jakaja vučyła ŭvieś śviet prybiracca? Paśla naradžeńnia troch dziaciej jana pierastała chvalavacca nakont paradku

U 2011 hodzie japonka Mary Kando pačała vučyć uvieś śviet mastactvu prybiracca. Jaje knihi pradavali miljonnymi tyražami, a Netflix navat zrabiŭ z Mary aŭtarskaje telešou. Ciapier u žančyny troje maleńkich dziaciej, i jaje pohlady na paradak vielmi mocna źmianilisia.

Mary Kando z mužam i dziećmi. Fota ź jaje instahrama

Zhodna ź bijahrafijaj Mary Kando na jaje sajcie, cikavicca paradkam dziaŭčynka stała ŭ piać hadoŭ. Joj vielmi padabalisia maminy hlancavyja časopisy, u jakich było mnostva parad pra prybirańnie. U niejki momant darosłyja zaŭvažyli, što Mary značna bolš padabajecca rasstaŭlać svaje lalki, čym hulać ź imi.

U 15 hadoŭ Mary pračytała «Mastactva vykidvańnia» (kniha była bestsieleram u Japonii) i zachapiłasia hetaj temaj — jana pračytała ŭsie knihi, jakija zdoleła znajści.

Z časam dziaŭčyna raspracavała svoj mietad, jaki nazvała mietadam KanMary. U jaho asnovie ideja ab tym, što dom nieabchodna maksimalna vyzvalić ad lišnich rečaŭ. A kab zrazumieć, vykinuć reč ci pakinuć, Mary prapanoŭvała ŭziać jaje ŭ ruki i spytać: «Ci dastaŭlaje jana mnie radaść?». Kali nie, to treba padziakavać rečy za słužbu i pazbavicca ad jaje.

Voś z hetaha i pačaŭsia zorny šlach Kando. Jana napisała knihu «Mahičnaje prybirańnie. Japonskaje mastactva naviadzieńnia paradku doma i ŭ žyćci», jakaja była pierakładziena na 44 movy. U sukupnaści było pradadziena bolš za 13 miljonaŭ kopij pa ŭsim śviecie.

Potym Mary napisała jašče 8 knih, a Netflix zrabiŭ ź joj aŭtarskaje šou «Prybirańnie z Mary Kando».

Huru śćviardžała:

 — Sapraŭdnaja meta naviadzieńnia paradku — prybrać biesparadak, kab vy mahli žyć tym žyćciom, jakoje chočacie. Kali vy pryvodzicie svoj dom u paradak pa mietadzie KanMary, u vas niama inšaha vybaru, akramia jak prysłuchacca da svajho ŭnutranaha hołasu — bo pytańnie ab tym, čym vy chočacie vałodać, nasamreč źjaŭlajecca pytańniem taho, jak vy chočacie pražyć svajo žyćcio. Kali vy pieraacenicie svaje rečy i naviedziacie paradak u domie, to padrychtujecie hlebu dla vielizarnaj transfarmacyi.

Ciapier Mary Kando 39 hadoŭ, jana maci syna i dźviuch dačok (małodšamu dziciaci niadaŭna spoŭniłasia 2 hady). Žančyna ŭsio jašče manietyzuje svaje viedy nakont mastactva prybiracca. U jaje jość kamiercyjnyja adukacyjnyja praekty, a taksama anłajn-krama, u jakoj možna nabyć roznyja rečy dla domu — ad srodkaŭ dla prybirańnia da roznych pryjemnych drobiaziaŭ, jakija prosta radujuć voka.

Na akaŭnt Kando ŭ instahramie padpisany bolš za 4 miljony čałaviek. Karaleva čyścini (tak doŭhi čas Mary nazyvali ŭ internecie) ščyra pryznajecca, što maciarynstva vielmi źmianiła jaje pohlady na paradak. Voś, naprykład, što jana napisała niekalki dzion tamu:

— Hulać ź dziećmi mnie dastaŭlaje radaści bolš, čym štości inšaje ŭ hetym śviecie. Mietad KanMary zaŭsiody budavaŭsia na vybary taho, što prynosić radaść, i pa miery taho, jak mianiajecca naša žyćcio, mianiajecca i naš adkaz na hetaje pytańnie. Kali ŭ mianie naradziłasia treciaje dzicia, ja amal nie mahła spać, nie kažučy ab tym, kab padtrymlivać u svaim domie taki ž paradak, jak raniej. Ja zrazumieła, što dla mianie važniej atrymlivać asałodu ad momantu ź dziećmi, čym turbavacca ab biesparadku.

Skončyła post Mary na aptymistyčnaj nocie — jana spadziajecca, što rana ci pozna ŭsio vierniecca na svaje miescy. Navat kali dla hetaha treba pačakać, kali dzieci pojduć u škołu — ci chacia b spać. 

Čytajcie taksama:

«U dzień mahu zarabić 200 jeŭra». BČB-niaviesta raskazała, kim pracuje ŭ Šviejcaryi i jak jaje syna bulili ŭ škole

Dziesiać miescaŭ u vannym pakoi, jakija vy, chutčej za ŭsio, prybirajecie niedastatkova dobra

«Davajcie biaspłatna, bo što vy mnie zrobicie?» Biełaruskija kliniery padzialilisia dzikimi historyjami pra svaich klijentaŭ

Piać idej z usiaho śvietu dla viasnovaha hienieralnaha prybirańnia

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
7
Панылы сорам
1
Ха-ха
21
Ого
0
Сумна
2
Абуральна
3
2
Irina/adkazać/
22.05.2024
A mnie soviety Mari očień pomohli. Raschłamiła komnatu, tiepieŕ sdaju jeje v ariendu. Pomieniała rabotu, siejčas rabotaju klinierom, zarabatyvaju v 2 raza bolšie čiem na prošłoj rabotie. I eto vsie mienia radujet.
2
Maksim Dizajnier/adkazać/
22.05.2024
[Red. vydalena]
0
Dobs /adkazać/
22.05.2024
[Red. vydalena]
Pakazać usie kamientary
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera
majčervieńlipień
PNSRČCPTSBND
12
3456789
10111213141516
17181920212223
24252627282930