Na dyrektara i ŭładalnika «Miedyja-Paleśsia» zaviali kryminalnuju spravu
Ich abvinavačvajuć va złoŭžyvańni słužbovymi paŭnamoctvami, nibyta abvinavačanyja na praciahu dvuch hadoŭ nie rabili padatkovyja vypłaty i abaviazkovyja adličeńni ŭ FSAN i Biełdziaržstrach.
Pavodle prakuratury Bresckaj vobłaści, słužbovyja asoby «MP Kompani» «nieadnarazova parušali pravy svaich supracoŭnikaŭ».
U pryvatnaści, prakuratura ŭstanaviła, što na praciahu bolš čym dvuch hadoŭ dyrektar i zasnavalnik arhanizacyi nie pravodzili padatkovyja vypłaty i abaviazkovyja adličeńni ŭ Fond sacyjalnaj abarony nasielnictva i Biełdziaržstracha ŭ dačynieńni da asobnych rabotnikaŭ.
Pavodle prakuratury, vypłata «šeraha zarobku» «nie tolki pazbaviła rabotnikaŭ mahčymaści ŭklučeńnia hetaha pieryjadu ŭ pracoŭny staž pry naličeńni piensii, ale i pryčyniła škodu dziaržavie na sumu zvyš 10 tysiač rubloŭ».
Zaviedzienaja kryminalnaja sprava pa fakcie złoŭžyvańnia słužbovymi paŭnamoctvami pa art. 424 Kryminalnaha kodeksa (karajecca terminam źniavoleńnia da šaści hadoŭ).
