PandaDoc uvajšła ŭ rejtynh najlepšych technałahičnych kampanij Paŭnočnaj Amieryki
PandaDoc, zasnavanaja biełarusami Mikitam Mikadam i Siarhiejem Barysiukom, stała adzinym pradstaŭnikom ź biełaruskimi karaniami ŭ śpisie technałahičnych kampanij ZŠA i Kanady, jakija najbolš dynamična raźvivajucca, paviedamiŭ «Ježiednievnik».
Mikita Mikada
Startap, jaki sioleta vosieńniu staŭ pieršym u historyi Biełarusi «adnaroham» (acenka biznesu ad 1 miljarda dalaraŭ), zaniaŭ u hetym rejtynhu 421-je miesca.
Siaredni temp pryrostu vyručki PandaDoc za 2017—2020 hady skłaŭ 272%.
Hałoŭny ofis PandaDoc, jakaja śpiecyjalizujecca na elektronnaj dakumientacyi, znachodzicca ŭ San-Francyska.
2 vieraśnia 2020 hoda ŭ minskim ofisie PandaDoc prajšli pieratrusy. U vyniku byli zatrymanyja čatyry čałavieki: dyrektar Dźmitryj Rabcevič, mieniedžar pa pradukcie Viktar Kuŭšynaŭ; buchhałtar Julija Šardyka, HR Uładzisłaŭ Michałap. U kastryčniku 2020-ha troje fihurantaŭ vyjšli na volu, a Viktar Kuŭšynaŭ byŭ vyzvaleny tolki 20 žniŭnia 2021 hoda.
