PandaDoc увайшла ў рэйтынг найлепшых тэхналагічных кампаній Паўночнай Амерыкі
PandaDoc, заснаваная беларусамі Мікітам Мікадам і Сяргеем Барысюком, стала адзіным прадстаўніком з беларускімі каранямі ў спісе тэхналагічных кампаній ЗША і Канады, якія найбольш дынамічна развіваюцца, паведаміў «Ежедневник».
Мікіта Мікада
Стартап, які сёлета восенню стаў першым у гісторыі Беларусі «аднарогам» (ацэнка бізнэсу ад 1 мільярда даляраў), заняў у гэтым рэйтынгу 421-е месца.
Сярэдні тэмп прыросту выручкі PandaDoc за 2017—2020 гады склаў 272%.
Галоўны офіс PandaDoc, якая спецыялізуецца на электроннай дакументацыі, знаходзіцца ў Сан-Францыска.
2 верасня 2020 года ў мінскім офісе PandaDoc прайшлі ператрусы. У выніку былі затрыманыя чатыры чалавекі: дырэктар Дзмітрый Рабцэвіч, менеджар па прадукце Віктар Куўшынаў; бухгалтар Юлія Шардыка, HR Уладзіслаў Міхалап. У кастрычніку 2020-га трое фігурантаў выйшлі на волю, а Віктар Куўшынаў быў вызвалены толькі 20 жніўня 2021 года.
