Łaŭroŭ zajaviŭ ab niehatoŭnaści Zachadu da sumlennaha dyjałohu z Rasijaj
Pradstaŭniki zachodnich krain nie hatovyja da sumlennaha dyjałohu z Maskvoj. Pra heta zajaviŭ kiraŭnik MZS Rasii Siarhiej Łaŭroŭ na «Prymakoŭskich čytańniach», piša RBK.
«Nie tolki Rasija, ale i mnohija inšyja sutykajucca z tym, što pradstaŭniki Zachadu nie hatovyja da sumlennaha dyjałohu, jaki zasnavany na faktach, addajuć pieravahu dziejničać u duchu highly likely, prykładaŭ takoha padychodu mnostva», — skazaŭ Łaŭroŭ. Pavodle jaho słoŭ, heta padryvaje davier da «samoj idei dyjałohu jak sposabu ŭrehulavańnia roznahałośsiaŭ».
Ministr pryvioŭ u prykład admova Zachadu ad «sumlennaj razmovy» nakont maratoryja na razhortvańnie rakiet siaredniaj i mienšaj dalokaści ŭ Jeŭropie. Jon patłumačyŭ, što paśla spynieńnia dziejańnia Damovy ab rakietach mienšaj i siaredniaj dalokaści Rasija prapanavała arhanizavać dobraachvotny maratoryj na razhortvańnie takoha ŭzbrajeńnia prynamsi ŭ Jeŭropie. Adnak zachodnija krainy, pavodle jaho słoŭ, syšli ad dyjałohu.
