Chirurha Siarhieja Broŭku aryštavali na 30 sutak paśla chapunu ŭ parku Civali
Uviečary 2 červienia ŭ parku Civali supracoŭniki milicyi zatrymali minimum dziesiać čałaviek. U Frunzienskim RUUSie na ŭsich skłali pratakoły pa art. 24.23 KaAP za ŭdzieł u niesankcyjanavanym masavym mierapryjemstvie. U raparcie milicyjantaŭ skazana, što ŭdzielniki masavaha mierapryjemstva plaskali ŭ dałoni i kryčali łozunhi. 3 červienia zatrymanych pačali sudzić u sudzie Frunzienskaha rajona. Siarod zatrymanych byŭ i 31-hadovy chirurh Siarhiej Broŭka. Svaju vinu mužčyna admoviŭ, paviedamlajuć pravaabaroncy.
Siarhiej rastłumačyŭ sudździ Jarochinaj, što jon pradaŭ kvateru i pavinien terminova źjechać, tamu vyrašyŭ uviečary kupić skryni dla pierajezdu. Jon pastaviŭ mašynu kala parku Civali i vyrašyŭ prajścisia. Tam mužčyna ŭbačyŭ svaich znajomych i padyšoŭ pahutaryć ź imi.
Sudździa pacikaviłasia, kudy budzie pierajazdžać Broŭka:
— A kudy pierajazdžajecie?
— Pierajazdžaju ŭ Novuju Baravuju…
— Jasna, možacie dalej nie praciahvać. Pazicyja vaša sudu zrazumiełaja.
U vyniku sudździa Jarochina aryštavała chirurha na 30 sutak.
