Lekavyja preparaty akazvajuć roznaje ŭździejańnie na mužčyn i žančyn
Daśledčyki z Amieryki śćviardžajuć, što efiektyŭnaść miedpreparataŭ zaležyć ad połavaj prynaležnaści čałavieka. Asabliva heta pavinny ŭličyć žančyny, jakija biez kansultacyi lekara prymajuć abiazbolvalnyja, jakija mahli testavacca tolki na mužčynach.
Jak viadoma, hieny ŭ pałoŭ adroźnivajucca, jak i harmanalny skład. Mienavita z-za hetaj roźnicy šmatlikija rečyvy ŭsprymajucca žanočym arhanizmam inakš, čym mužčynskim. Da taho ž, testavańni lekaŭ čaściej za ŭsio adbyvajecca na asobinach mužčynskaha połu, pacuki heta, sabaki ci ludzi. Žanočyja asobiny nie dajuć dakładnych vynikaŭ z-za vahańniaŭ harmanalnaha składu.
Miedyki ličać, što preparat u vyniku padydzie i žančynam, ale jany nie ŭličvajuć toj fakt, što pałavyja harmony prymajuć udzieł u vialikaj kolkaści pracesaŭ.