Realnaja historyja Bendžamina Batana: čatyrochhadovy chłopčyk vyhladaje jak stary i nie moža chadzić u škołu, tamu što dzieci bajacca jaho FOTY
U čatyrochhadovaha žychara Banhładeš Bajiezida Chusejna (Bayezid Hossain) dyjahnastavali prahieryju — zaŭčasnaje stareńnie arhanizma, redkaje hienietyčnaje zachvorvańnie. Pra heta paviedamlajuć «MiedNovosti» sa spasyłkaj na historyju chłopčyka, apisanuju ŭ «Daily Mail».
Va ŭsim śviecie zafiksavana nie bolš za sotniu takich chvorych. Lekaŭ, zdolnych strymać imklivaje stareńnie, pakul niama i pacyjenty, jakija pakutujuć prahieryjaj, redka dažyvajuć da darosłaha ŭzrostu. Siaredniaja praciahłaść žyćcia dziaciej składaje kala 13 hadoŭ.
Miarkujecca, što pryčynaj raźvićci prahieryi źjaŭlajecca mutacyja, jakaja zakranaje hien LMNA. Zafiksavanyja vypadki zachvorvańnia ŭ dziaciej, narodžanych u blizkarodnasnych šlubach (baćka i maci Bajiezida źjaŭlajucca stryječnymi bratam i siastroj), ale akramia hetaha viadoma i ab sparadyčnych vypadkach. Zachvorvańnie nie zaŭsiody bačnaje adrazu paśla naradžeńnia dziciaci — simptomy mohuć źjavicca tolki na 2-3 hodzie žyćcia.
Razumova raźvićcio dziciaci całkam adpaviadaje ŭzrostu, a voś vonkava jon adroźnivajecca ad adnahodkaŭ. Chłopčyk staleje i stareje ŭ 8 razoŭ chutčej normy, tłumačać lekary, jakija nazirali dzicia.
Maci małoha, 18-hadovaja Trypci Chatun (Tripti Khatun), raspaviała, što ŭsie zuby źjavilisia ŭ dziciaci jašče ŭ trochmiesiačnym uzroście, a ciapier niekatoryja ź ich užo vypali abo złamalisia.
Jamu ŭsiaho čatyry, ale skura na jaho ciele i tvary zmorščyłasia, jość prablemy z sustavami i pracaj močapałavoj sistemy. Akramia prahieryi, u dziciaci dyjahnastavali i inšaje zachvorvańnie — hienieralizavany ełastaliz. U takich pacyjentaŭ źnižana ełastyčnaść ciahlicavych vałoknaŭ skury i ŭnutranych orhanaŭ, što viadzie da raźvićcia šmatlikich uskładnieńniaŭ.