NASA abrała nastupnuju paśla Płutona metu «Novych Haryzontaŭ»
Novaj mety «Novyja Haryzonty» dasiahnuć 1 studzienia 2019 hoda.
Abjekt u Pojasie Kojpiera va ŭjaŭleńni mastaka. Vyjava: NASA/JHUAPL/SwRI/Alex Parker
Paśla daśledavańnia Płutona NASA amal dakładna skiruje aparat New Horizons da abjekta 2014 MU69 ŭ pojasie Kojpiera. Śpiecyjalisty ahienctva parekamiendavali abjekt kamandzie aparata, ale taja zaćvierdzić jaho kančatkova tolki paśla dadatkovaj ekśpiertyzy.
2014 MU69 — nievialiki asteroid dyjamietram kala 45 km, heta kłasičny abjekt pojasa Kojpiera, adziny abjekt, jaki «Novyja Haryzonty» dakładna zmohuć dasiahnuć. Ad Płutona da jaho miljard mil.
A ad nas da «Novych Haryzontaŭ» na siońnia 3 młrd mil.
Da adkryćcia 2014 MU69 u kastryčniku 2014 hoda z «paślapłutonaŭskaj» metaj byli prablemy: inšaha kandydata, 2014 PN70 možna było dasiahnuć ź imaviernaściu 97%, spatrebiłasia b vydatkavać na źmienu chutkaści ŭdvaja bolš paliva. Da astatnich kandydataŭ šancy dalacieć byli jašče mienšyja. Mienšy raschod paliva daść mahčymaść pravieści bolš daśledavańniaŭ i zastrachavacca ad niepradbačanych situacyj.
New Horizons byŭ zapuščany ŭ 2006 hodzie, dasiahnuŭ Płutona ŭ 2015-m. Dziakujučy misii sabrana 50 Hb infarmacyi, jakaja budzie pieradavacca na Ziamlu da 2017 hoda i dazvolić vyjavić, ci maje Płuton padlodny akijan. Aparat pakazaŭ čałaviectvu, što Płuton maje sercajka, raśsiečanaje skałami.
U studzieni 2019 hoda New Horizons maje dasiahnuć svajoj nastupnaj mety, patraciŭšy pryblizna tracinu najaŭnaha paliva. Mahčyma, dalej aparat skirujuć na novyja abjekty. Zaviaršeńnie misii zapłanavanaje na 2026 hod.
