Ernst: Sioleta jakaść rasijskaha «Pieršaha kanała» pahoršaje
Hienieralny dyrektar rasijskaha «Pieršaha kanała» Kanstancin Ernst raspavioŭ, što jakaść «Pieršaha kanała» pahoršycca z-za ekanamičnaha kryzisu, ale, pavodle jaho słoŭ, hledačy nie zaŭvažać hetaha.
Intervju z Ernstam było apublikavana na sajcie TASS u paniadziełak.
«Užo vidavočna, što kryzis hady na dva. Minimum. Da kanca hoda telehledačy nie zaŭvažać paharšeńnia jakaści. My praciahniem pakazvać sieryjały, źniatyja jašče ŭ «tłustyja» hady, a što prahramy buduć krychu praściejšymi, ale nie nastolki, kab heta mocna kidałasia ŭ vočy», — raspavioŭ jon.
Ernst taksama dadaŭ, što pa-sapraŭdnamu kryzis «nakryje» kanał u druhoj pałovie 2016 i paźniej.
Na prahramach heta adabjecca ŭžo bližejšaj vosieńniu. U studzieni 2015 hoda, u paraŭnańni sa studzieniem 2014, rekłama na «Pieršym kanale» źniziłasia da 37%. Situacyja, skazaŭ Ernst, stabilizujecca, ale na takich ličbach, jakija «zusim nie radujuć» kiraŭnictva kanała.