Беларусь заняла адно з апошніх месцаў у сусветным рэйтынгу празрыстасці рынка нерухомасці
Чыноўнікі рознага ўзроўню не перастаюць запэўніваць, што для інвестараў у Беларусі створаныя самыя камфортныя ўмовы вядзення бізнэсу. У міжнародных экспертаў іншае меркаванне.
Кампанія Jones Lang LaSalle, якая працуе ў сферы кіравання інвестыцыямі, прадставіла новы рэйтынг празрыстасці рынкаў нерухомасці. Беларусь заняла ў ім 94 радок і трапіла ў спіс краін з найбольш непразрыстым рынкам, апынуўшыся ў кампаніі такіх дзяржаваў, як Судан, Нігерыя, Ангола, Пакістан, Ірак, Гана, Венесуэла і Манголія. Усяго даследчыкі ахапілі 97 краін на ўсіх кантынентах.
Рэйтынг, упершыню апублікаваны ў 1999 годзе, складаецца на аснове сукупнасці колькасных рынкавых дадзеных і інфармацыі, сабранай шляхам апытання міжнароднай
Для інвестараў індэкс служыць інструментам кіравання рызыкамі, дазваляе больш эфектыўна ацэньваць умовы эксплуатацыі нерухомасці ў розных краінах свету, адзначаецца на сайце Jones Lang LaSalle.
Самым празрыстым рынкам нерухомасці ў 2012 годзе сталі ЗША, за імі з невялікім адрывам ідуць Вялікабрытанія і Аўстралія, адзначаецца ў дакладзе. У катэгорыю з высокай празрыстасцю ўваходзяць таксама Нідэрланды, Новая Зеландыя, Канада, Францыя, Фінляндыя, Швецыя і Швейцарыя.
«Вынікі даследавання за 2012 сведчаць, што аднавіўся працэс павышэння празрыстасці рынкаў нерухомасці пасля запаволення, што назіралася падчас фінансавага крызісу 2008–2009 гадоў», — гаворыцца ў дакладзе.
