Знайсці
21.05.2024 / 19:316РусŁacБел

Прэпарат ад старэння быў упершыню пратэставаны на людзях. Паспяхова

Каманда з навукоўцаў з ЗША больш за 10 гадоў распрацоўвала прэпарат, які зможа знішчаць старэючыя клеткі і тым самым амалоджваць арганізм жывых істот. Новае хімічнае злучэнне спачатку выдатна сябе паказала на мышах, а цяпер прадэманстравала першыя станоўчыя вынікі ў людзей. Калі чакаць у продажы?

Фота: pixabay

Эксперыментальны прэпарат ад старэння, распрацаваны шэрагам клінік і лабараторый пры некалькіх універсітэтах ЗША, засведчыў першыя поспехі падчас тэстаў на людзях. Праца над прэпаратам ішла больш за 10 гадоў, паведамляе буйны навуковы часопіс Nature.

Прэпарат атрымаў назву «Фаселутаклакс» (Foselutoclax) і накіраваны на блакаванне ды знішчэнне старэючых клетак арганізма, назапашванне з гадамі якіх моцна спрыяе развіццю дыябету, дэменцыі, астэапарозу, сэрцава-судзінных паталогій і іншых сур'ёзных захворванняў.

Асноўным дамінуючым бялком у старэючых клетках чалавека з'яўяляецца BCL-xL, супраць якога і змагаецца новы прэпарат.

«Тэсты на мышах паказалі высокую эфектыўнасць Фаселутаклакса. Ён акуратна знішчаў старэючыя клеткі, не чапляючы здаровыя, што выклікала аднаўленне тканак і амаладжэнне органаў. У некаторых мышэй паляпшаўся зрок, а ў асобін, хворых на дыябет, значна ўмацоўваліся крывяносныя судзіны.

Не менш станоўчыя эфекты былі і ў людзей. Падрабязныя вынікі тэстаў над 30 паддоследнымі будуць апублікаваныя ў канцы гэтага года», — піша Nature са спасылкай на каманду навукоўцаў.

Даследчыкі выказалі ўпэўненасць, што атрымаюць афіцыйны дазвол на шырокі продаж прэпарата кліентам ужо ў найбліжэйшыя 5 гадоў.

Чытайце таксама:

Вучоныя знайшлі супрацьяддзе ад алкаголю

Дажыць да 120 можа стаць магчымай перспектывай

Вечны дыктатар. Як хутка тыраны змогуць скарыстацца першымі лекамі ад старэння?

Nashaniva.com

Хочаш падзяліцца важнай інфармацыяй
ананімна і канфідэнцыйна?

Клас
26
Панылы сорам
2
Ха-ха
2
Ого
11
Сумна
2
Абуральна
2
1
кедраневич /адказаць/
21.05.2024
США! Впереди планеты всей. The place to raise children! Где-то шёл 21-ый век, а в йонутой стране время остановилось!
0
Мінак/адказаць/
22.05.2024
Ну, выпусьціць яны яго выпусьцяць, але кошт будзе касьмічны. Ды й сумневы ббяруць наконт свабоднага доступу. Ня думаю, што сусьветныя пенсійныя сістэмы гатовыя да масавага амалажэньня і падаўжэньня працягласьці жыцьця.
22.05.2024
– Я вам, сударыня, вставляю яичники обезьяны, – объявил он и посмотрел строго.– Ах, профессор, неужели обезьяны?– Да, – непреклонно ответил Филипп Филиппович.– Когда же операция? – бледнея и слабым голосом спрашивала дама.– «От Севильи до Гренады…» Угм… В понедельник. Ляжете в клинику с утра. Мой ассистент приготовит вас.
Паказаць усе каментары
Каб пакінуць каментар, калі ласка, актывуйце JavaScript у наладах свайго браўзера
Каб скарыстацца календаром, калі ласка, актывуйце JavaScript у наладах свайго браўзера
майчэрвеньліпень
ПНАЎСРЧЦПТСБНД
12
3456789
10111213141516
17181920212223
24252627282930