У Даніі выставілі карціны Хаіма Суціна
У дацкім музеі сучаснага мастацтва «№Луізіяна», размешчаным у горадзе Хумлебек недалёка ад Капенгагена, адкрылася выстава работ беларускага мастака Хаіма Суціна. Яе называюць на сайце гэтай установы першай у Паўночнай Еўропе.
Фота: louisiana.dk
Экспазіцыя даступная для наведвальнікаў з 9 лютага да 14 ліпеня, піша сайт «Беларусь і свет».
Яна падрыхтавана ў супрацоўніцтве з урадам нямецкай зямлі Паўночны Рэйн-Вестфалія і Бернскім мастацкім музеем пры падтрымцы Фонду Оге і Джааны Луі-Хансен.
Фота: louisiana.dk
Гледачам прадстаўлены каля 70 разнастайных карцін: партрэтаў, пейзажаў, нацюрмортаў — пэндзля ўраджэнца Смілавічаў, аднаго з найбуйнейшых майстроў «Парыжскай школы», узятых «у доўг» у музеяў і прыватных калекцый у Еўропе, Ізраілі і ЗША.
Чытайце таксама:
У Нацыянальнай галерэі мастацтваў ЗША Суцін быў падпісаны як расеец. Памылку выправілі
У фільме Джоні Дэпа Суціна сыграе ірландзец
Дзве карціны Шагала паспяхова прадалі на Sotheby's, а Суцін да таргоў не дайшоў
