Дзве карціны Шагала паспяхова прадалі на Sotheby's, а Суцін да таргоў не дайшоў
У пятніцу, 20 кастрычніка, на пляцоўцы Sotheby's прайшоў аўкцыён карцін імпрэсіяністаў. Сярод заяўленых лотаў былі тры працы ўраджэнцаў Беларусі — Марка Шагала і Хаіма Суціна. Але з карцінай Суціна нешта ў апошні момант здарылася, на сайце аўкцыённага дома напісана, што гэты лот знялі.
Хаім Суцін. «Сельскі пейзаж у Серы»
Карціну Хаіма Суціна «Paysage à la campagne à Céret» («Сельскі пейзаж у Серы») ацэньвалі ў 600 тыс. еўра. Гэта быў самы дарагі лот аўкцыёну. З якой прычыны яе раптам не аказалася на таргах, не ўдакладняецца.
Працу Марка Шагала «Fleurs, poires et raisins» («Кветкі, грушы і вінаград») прадалі за 279 тыс. еўра, ацэньвалі ж яе ў 220-350 тыс. еўра. Іншая шагалаўская праца, «Les deux bouquets» («Два букеты»), пайшла за 317 тыс. еўра пры ацэнцы ў 200-300 тыс.
Усяго на аўкцыёне прадавалі 46 работ, у тым ліку карціны Рэнэ Магрыта, Густава Клімта, Пабла Пікаса і Сальвадора Далі. Усяго прадалі 30 карцін на агульную суму крыху большую за 6 млн. еўра.
Чытайце таксама:
У Парыжы з аўкцыёну прададуць карціны Шагала і Суціна
Беларускі мастак Андрэй Бусел стварыў мурал на плошчы Хаіма Суціна ў французскім Шампіньі-сюр-Вёд
У Дзюсельдорфе адкрылася выстаўка Хаіма Суціна, мастака «парыжскай школы» са Смілавічаў
Жэрар Дэпард'ё прадаў скульптуру ўраджэнца Беларусі — прадстаўніка Парыжскай школы
