Кавалькова кажа, што не вярталася ў Беларусь
На фоне пагромаў па месцах прапіскі кандыдатаў на выбары ў Каардынацыйную Раду лукашысты запусцілі байку, што ўсё гэта выклікана даносам нейкага чалавека з КР, які вярнуўся дадому праз камісію і здаў палітычны актыў. Асабліва губазікаўцы намякаюць на Вольгу Кавалькову.
Тлустым намёкам была публікацыя апытанкі адносна кандыдатуры здрадніка ў адным з каналаў, афіляваных з ГУБАЗіКам.
Там Кавалькову як варыянт прапанавалі двойчы.
Але ўсё гэта, па выніку — псіхалагічная аперацыя, фэйк. Даныя тых, па чыёй прапісцы сілавікі прыйшлі разам са Следчым камітэтам, знаходзяцца ў адкрытым доступе і нікім не ўтойваюцца.
А вось што кажа сама Кавалькова на закіды ў вяртанні ў Беларусь.
«Я не вярнулася [у Беларусь] і [нікога] не здавала. А клічуць вярнуцца не першы раз», — сказала яна.
Чытайце таксама:
Прыйшлі да Латушкі, Чалага. Масавыя ператрусы ў людзей, звязаных з Каардынацыйнай радай апазіцыі
Падазраванымі па справе Каардынацыйнай рады праходзяць больш за 100 чалавек — СК
Ну так, Бабарыка прапанаваў усім калбаску. І файна ў яго атрымалася! Прыйшоў палітык-папуліст, адчуў патрэбы групы айцішнікаў, манагераў і г.д і добра згуляў на гэтай карце. Вось вам дэмакратыя, пры гэтым не нацыяналізм, з Расеяй захаваем добрыя стасункі, будзем перш за ўсё развіваць эканоміку і фінал: «Вы невероятные!» А вядзе да ўсяго гэтага вядомы банкір, які ўмее зарабляць грошы. Поспех Бабарыкі стаў вынікам ягонага моцнага пасылу: «Усё так проста – толькі абярыце яго прэзідэнтам». І палітычна недасведчаны народ на гэта павёўся!