Кіраўнік МЗС Беларусі пракаментаваў праверкі на беларуска-расійскай мяжы
Сяргей Алейнік назваў іх не праверкамі, а маніторынгам.
Уезд у Беларусь з Расіі. Фота: відавочца з Zerkalo.io
Праверкі грамадзян на беларуска-расійскай мяжы ажыццяўляюцца беларускімі пагранічнікамі ў цесным супрацоўніцтве з расійскімі калегамі, заявіў міністр замежных спраў Беларусі Сяргей Алейнік, піша «Спутнік».
«Гэта не зусім кантроль. Гэта, хутчэй, маніторынг сітуацыі на мяжы», — растлумачыў міністр.
Алейнік паведаміў, што гэта звязана з чаканым уступленнем у сілу міжурадавага пагаднення аб узаемным прызнанні віз і адзінай візавай палітыцы. Міністр адзначыў, што сітуацыя на мяжы дзвюх краін спакойная, і выказаў упэўненасць, што такой яна і застанецца.
Кантроль з боку беларускай памежнай службы на аўтадарогах, якія вядуць з РФ, доўгі час адсутнічаў. Але з 5 мая 2023 года пачаліся праверкі пашпартоў на ўезд у Беларусь. У Дзяржпагранкамітэце Беларусі растлумачылі, што нічога асабліва для грамадзян абедзвюх краін не змянілася.
Чытайце таксама:
Мінск хоча перастрахавацца: Беларусь увяла пагранічны кантроль на ўездзе з Расіі
