Палітзняволеная Ларыса Кузьменка выйшла на волю. У яе была клаўстрафобія
Ларыса Кузьменка — жыхарка Гомеля, асуджаная да двух гадоў калоніі за «гвалт ці пагрозу гвалту ў дачыненні да супрацоўнікаў АУС».
Нібыта жанчына падчас нядзельнага Маршу ў Гомелі «грубай фізічнай сілай узяла сілавіка за руку, тым самым зрушыла яго з месца і не дазволіла яму працаваць». У Ларысы дыягнаставанае дэпрэсіўнае расстройства з сіндромам клаўстрафобіі, піша «Вясна».
Тэрмін жанчына адбывала ў гомельскай калоніі №4, адкуль нядаўна выйшла, цалкам адбыўшы тэрмін. У зняволенні яна адбыла амаль 1 год і 8 месяцаў.
Чытайце таксама:
Сілавікі затрымалі хлопца за татуіроўкі з «Пагоняй» і гербам Украіны
У калоніі памёр палітвязень — пінскі блогер Мікалай Клімовіч
Экс-кіраўніку творчай суполкі «Пагоня» мастаку Генадзю Драздову прысудзілі 3 гады калоніі
